புதுச்சேரி முதல்வரும் என்.ஆர்.காங்கிரஸ் கட்சியின் தலைவருமான ரங்கசாமி இன்று (ஏப்ரல் 19) தனது யமஹா RX100 பைக்கில் சென்று வாக்களித்தார்.

நாடு முழுவதும் 21 மாநிலங்களில் 102 தொகுதிகளில் வாக்குப்பதிவு விறுவிறுப்பாக நடைபெற்று வருகிறது. புதுச்சேரி யூனியன் பிரதேசத்தில் உள்ள ஒரு மக்களவை தொகுதியில் இன்று காலை முதல் வாக்குப்பதிவு நடைபெற்று வருகிறது. இங்கு இந்தியா கூட்டணி சார்பில் காங்கிரஸ் கட்சியின் சிட்டிங் எம்.பி வைத்திலிங்கம் மற்றும் தேசிய ஜனநாயக கூட்டணியில் பாஜக வேட்பாளர் நமச்சிவாயம் இடையே போட்டி நிலவுகிறது.