இது நாடு முழுவதும் பெரும் அதிர்வலைகளை ஏற்படுத்தியது. இதையடுத்து, இந்த புகாரை விசாரணை செய்ய ஒரு சிறப்புக்குழு அமைக்கப்பட்டது. இந்த குழு விசாரணை தொடங்கியதில் இருந்து பல்வேறு அதிர்ச்சி தரும் சம்பவங்கள் வெளியாகின்றன.

இந்த விசாரணையில், இதுவரை 8 பேர் கைது செய்யப்பட்டுள்ளனர். அதில், ஒரு இளைஞர் காணிக்கை பணத்தைத் திருடி தனது காதலிக்கு ஐபோன் வாங்கி கொடுத்திருப்பது மட்டுமல்லாமல் பல்வேறு அதிர்ச்சி தகவல்களும் வெளியாகியுள்ளன. அந்த வகையில், மற்றொரு சம்பவம் குறித்த தகவல்கள் வெளியாகிப் பரபரப்பை ஏற்படுத்தியுள்ளது.

அதன்படி, போலி​யாக தயாரிக்​கப்​பட்ட நன்​கொடை ரசீதுகளை வழங்கி பக்தர்களிட​ம் இருந்து பணம் வசூலித்​ததாகவும் குற்​றச்சாட்டுகள் எழுந்தன. இது குறித்தான விசாரணையில் குற்றம் சாட்டப்பட்டவர்​கள் இதனை ஒப்​புக்​கொண்​ட​தாகக் கூறப்​படு​கிறது.

இதையடுத்து, அவர்களிடமிருந்து மீட்​கப்​பட்ட போலி ரசீது புத்​தகங்​கள் அசல் ரசீதுகளைப் போன்றே அச்சு அசலாக இருந்​த​தாக கூறப்படுகிறது. அந்​தப் போலி ரசீதுகளில் அறக்கட்டளை​யின் முத்​திரை​யும் இருந்​த​தால், அவை உண்​மை​யானவை போலவே தோற்​றமளித்​தன. அதனால், யாருக்கும் இதில் சந்தேகம் ஏற்படவில்லை என்று கூறப்படுகிறது.

குற்​றம் சாட்​டப்​பட்​ட​வர்​கள் இந்த போலி ரசீதுகளைப் பயன்​படுத்தி நன்​கொடை பெற்றுள்ளதாக ஆதாரங்கள் கிடைத்துள்ள நிலையில், இதுவரை எவ்வளவு பணம்? முறைகேடு செய்யப்பட்டுள்ளது என்பது குறித்தான முழுமையான தகவல்கள் எதுவும் வெளியாகவில்லை.

இதற்​கிடை​யில், நன்​கொடை, காணிக்கை பணத்தை எண்​ணும் பணி​யில் ஈடு​பட்​டிருந்த 6 ஊழியர்​கள், காலப்​ போக்​கில் சுமார் ரூ.2 கோடி முதல் ரூ.3 கோடி வரை கையாடல் செய்​த​து விசா​ரணை​யில் தெரிய ​வந்​துள்​ளது. அப்படி இருகையில், போலி ரசீது மூலமாக எவ்வளவு பணம் கையாடல் செய்யப்பட்டிருக்கும் என்ற கேள்விகளும் எழுந்துள்ளன. இந்த சம்பவத்தில் தோண்டத் தோண்ட வெளிவரும் பல உண்மைகள் மக்களை அதிர்ச்சிக்குள்ளாக்கி வருகிறது.