மோகனுக்கு செல்லமுத்து தாய்மாமன் முறையாவார். கடந்த 10 வருடங்களுக்கு முன்பு செல்ல முத்துவும் அவரது தம்பி ரங்கநாதன் என்பவரும் சேலம் மாவட்டம் பேரூரில் உள்ள குடும்ப பொது சொத்தினை பங்கு பிரிக்கும் பொழுது மேற்படி மோகனின் அம்மா ராசம்மாள் என்பவருக்கு பணம் ரூ.5 லட்சம் கொடுத்து சொத்தை மேற்படி செல்லமுத்துவும் அவரது தம்பி ரங்கநாதனும் எழுதி வாங்கி உள்ளனர்.

இந்நிலையில் கடந்த சில நாட்களாக மோகன் தனது தாய்யை ஏமாற்றி தாய் மாமாக்கள் சொத்தை எழுதி வாங்கி விட்டதாகக் கூறி அடிக்கடி தகராறில் ஈடுபட்டு வந்துள்ளார் . இந்நிலையில் நேற்று இரவு மோகன் தனது இருசக்கர வாகனத்தில் தாய்மாமன் செல்லமுத்து வீட்டிற்கு வந்துள்ளார் . தான் கொண்டு வந்த ஒரு லிட்டர் வாட்டர் கேனில் பெட்ரோல் ஊற்றி செல்லமுத்து வீட்டை நோக்கி வீச முற்பட்ட பொழுது பெட்ரோல் மோகன் கை மீது பட்டதால் செல்லமுத்து வீட்டுத் திண்ணையில் வீசி விட்டு சென்று விட்டார்.

ஆனால் பெட்ரோல் குண்டு வெடிக்கவில்லை. இதனால் பெரிய அளவில் சேதம் ஏற்படவில்லை. எனினும் இதுகுறித்து செல்லமுத்து பெருந்துறை போலீசில் புகார் அளித்தார். அதனடிப்படையில் சம்பவ இடத்திற்கு விரைந்து வந்த பெருந்துறை உதவி ஆய்வாளர்கள் பிரகாஷ் , மேகநாதன் ஆகியோர் விசாரணை மேற்கொண்டனர். இதுகுறித்து வழக்குப்பதிவு செய்து விசாரணை மேற்கொண்டு வருகின்றனர்.