Dailyhunt Logo
  • Light mode
    Follow system
    Dark mode
    • Play Story
    • App Story
சாஸ்தாகோவில் நீர்த்தேக்கத்திலிருந்து பாசனத்திற்காக நீர் திறப்பு - முதலமைச்சர் விஜய் உத்தரவு!

சாஸ்தாகோவில் நீர்த்தேக்கத்திலிருந்து பாசனத்திற்காக நீர் திறப்பு - முதலமைச்சர் விஜய் உத்தரவு!

News7 Tamil 1 hr ago

விருதுநகர் மாவட்டம், ராஜபாளையம் வட்டத்தில் உள்ள சாஸ்தாகோவில் நீர்த்தேக்கத்திலிருந்து பாசனத்திற்காக தண்ணீர் திறந்து விட தமிழ்நாடு முதலமைச்சர் விஜய் உத்தரவிட்டுள்ளார்.

இதுகுறித்து தமிழ்நாடு அரசு வெளியிட்டுள்ள செய்திக்குறிப்பில், 'விருதுநகர் மாவட்டம், ராஜபாளையம் வட்டம், சாஸ்தாகோவில் நீர்த்தேக்கத்திலிருந்து பாசனத்திற்காக நீர் திறந்து விட கோரி விவசாயிகளிடமிருந்து கோரிக்கைகள் வந்தன. இதனை ஏற்று, முதலமைச்சர் உத்தரவிற்கிணங்க நீர்த்தேக்கத்திலிருந்து மொத்தம் 48 நாட்களுக்கு தண்ணீர் திறந்து விட அரசு ஆணையிட்டுள்ளது.

அதன்படி, வரும் 23ம் தேதி (23.11.2026) முதல் 29-ம் தேதி வரை 7 நாட்களுக்கு விநாடிக்கு 50 கனஅடி வீதம் தண்ணீர் திறந்து விடப்படும். அதனை தொடர்ந்து, 30ம் தேதி முதல் 09.01.2027 வரை 41 நாட்களுக்கு நீர்த்தேக்கத்தில் உள்ள நீர் இருப்பு மற்றும் நீர்வரத்தை பொறுத்து பாசனத்திற்கு நீர் வழங்கப்படும்.

இந்த நீர் திறப்பின் மூலம் ராஜபாளையம் வட்டத்திற்கு உட்பட்ட வடக்கு தேவதானம், தெற்கு தேவதானம், சேத்தூர், முத்துசாமிபுரம், நல்லமங்கலம், செட்டியார்பட்டி மற்றும் கோவிலூர் ஆகிய பகுதிகளில் உள்ள 3,130.68 ஏக்கர் விளைநிலங்கள் பாசன வசதி பெறும்'. இவ்வாறு அதில் தெரிவிக்கப்பட்டுள்ளது.

Dailyhunt
Disclaimer: This content has not been generated, created or edited by Dailyhunt. Publisher: News7 Tamil