கொரோனா பரவலைக் கட்டுப்படுத்துவதில் தொடர்ந்து ஆதரவு அளித்து வரும் இந்தியாவுக்கு உலக சுகாதார அமைப்பு நன்றி தெரிவித்துள்ளது.

உலக நாடுகள் கொரோனா பாதிப்பில் இருந்து தற்போது வரை முழுமையாக மீண்டு வர முடியவில்லை. சில நாடுகளில் கொரோனா தடுப்பூசிக்கு அனுமதி அளிக்கப்பட்டு பொதுமக்களுக்கு போடப்பட்டு வருகிறது. மக்களுக்கு நம்பிக்கை ஏற்படுத்தும் விதமாக அரசியல் தலைவர்களும் தடுப்பூசி போட்டுக் கொள்கின்றனர். இந்தியாவில் தற்போது முன்களப் பணியாளர்களுக்கு மட்டுமே தடுப்பூசி போடப்பட்டு வருகிறது. குறிப்பாக இந்தியா மற்ற நாடுகளுக்கு தடுப்பூசியை அனுப்பி வைத்து உதவி செய்வது உலக நாடுகளால் பாராட்டப்பட்டு வருகிறது.