ஒடிசாவின் கட்டாக்கில், துர்கா சிலை கரைப்பு ஊர்வலத்தில் வன்முறை வெடித்த நிலையில்144 தடை உத்தரவு பிறப்பிக்கப்பட்டு உள்ளது.

இதை போலீசார் தடுத்து நிறுத்த முயன்றனர். அப்போது பேரணியினர் போலீசார் மீது கற்களையும் பாட்டில்களையும் வீசி எறிந்தனர். மேலும் அவர்கள் அங்குள்ள கடைகளுக்கு தீ வைத்தனர். தவிர, அப்பகுதியில் இருந்த 'சிசிடிவி' கேமராக்களையும் சேதப்படுத்தினர்.

இது, வன்முறையாக மாறியதைத் தொடர்ந்து, போலீசார் கண்ணீர்ப் புகைக் குண்டுகள் மற்றும் ரப்பர் தோட்டாக்களைப் பயன்படுத்தி அவர்களைக் கலைத்தனர். இதையடுத்து, கட்டாக்கில் உள்ள தர்கா பஜார், மங்களாபாக், கன்டோன்மென்ட், பூரிகாட், லால்பாக் உட்பட 13 போலீஸ் ஸ்டேஷன்களின் எல்லைக்கு உட்பட்ட பகுதிகளில், 144 தடை உத்தரவு பிறப்பிக்கப்பட்டு உள்ளது. மேலும், சமூக ஊடகங்களில் வதந்தி பரவுவதை தடுக்க, கட்டாக் மற்றும் சுற்று வட்டார பகுதிகளில், இணையச் சேவை முடக்கி வைக்கப்பட்டு உள்ளது.

இந்த வன்முறை தொடர்பாக, இதுவரை ஆறு நபர்களை போலீசார் கைது செய்துள்ளனர், மேலும் சந்தேக நபர்களை அடையாளம் காண சிசிடிவி மற்றும் ட்ரோன் காட்சிகளை ஆராய்ந்து வருகின்றனர். ஊரடங்கு உத்தரவு அமலில் உள்ளதால், வன்முறை சம்பவங்களைத் தடுக்க பலத்த பாதுகாப்பு போடப்பட்டுள்ளது. பாதுகாப்புப் படையினர் குவிக்கப்பட்டு ரோந்துப் பணியில் ஈடுபட்டு வருகின்றனர்.