6ம் பாவம் 12 பாவத் தொடர்புகளைக் கொள்ளும் போது கிடைக்கக்கூடிய பலன்கள் எப்படி இருக்கும், குறிப்பாக கிரகங்களின் தொடர்பு, லக்னம், தசைகள் தொடர்பு தரும் பலன்களை விரிவாக தெரிந்து கொள்வோம்.
6ஆம் பாவத்தில் நோய் என்ற காரகமும் உள்ளதால், 3,7,11 பாவங்களைத் தொடர்பு பெற்றால், நோய்க்கிருமிகள் உடலில் ஓர் இடத்தில் தங்காமல், ஓடிக்கொண்டே இருக்கும். எனவே கிருமிகள் ஓர் இடத்தை தாக்காமல்,மூளைக்கு செய்திகளை வேகமாக அனுப்பி எச்சரிக்கை செய்யும். இந்த தொடர்புகள் நோய் எதிர்ப்புச் சக்தியை பலப்படுத்தும்.6ஆம் பாவம் 1,5,9 பாவங்களைத் தொடர்பு பெற்றால்,
6ஆம் பாவம் 1,5,9 பாவங்களைத் தொடர்பு பெற்றால்,
இவை வேலைக்கு எதிரான பாவங்கள் என்பதால்,வேலை அற்ற நிலையும், பொறுப்பற்ற நிலையும் உருவாகும். வேலைக்கும், உடல் உழைப்புக்கும் எதிரான பாவங்களை 6ஆம் பாவம் தொடர்பு கொள்கிறது . எனவே எந்த உழைப்பையும் செய்யாமல் இருக்கும் நிலையை குறிக்கும்.
6ஆம் பாவம் தன் பாவத்திற்கு 4,8,12ம் பாவங்களையும், ஜாதகருக்கு மிகவும் மகிழ்ச்சியை தரும் பாவங்களையும் 6ஆம் பாவம் தொடர்பு கொள்வதால், 6ஆம் பாவம் தன் பாவப் பலனை முற்றிலும் இழக்கிறது. எனவே 6ஆம் பாவ உறுப்புகள் (வயிறு சார்ந்தவை ) இயற்கைத் தன்மையை பெறும். நோய்க்கிருமிகள் குறைந்த எண்ணிக்கையில் இருக்கும். இதனால் எதிர்ப்புத் திறனும், ஆரோக்கியமும் சிறப்படைந்து, நோய் வருவது குறையும். இயற்கையான உணவுகளை உண்பர். மருந்துகளற்ற ஆரோக்கியமான வாழ்க்கையை வாழ முடியும்.
ஆனால் வேலை மற்றும் கடமை என்பது சுத்தமாக மறுக்கப்படும்.
தசை மற்றும் லக்னம், நிறைய கிரகங்கள் 2,4,6,10ம் தொடர்பு பெற்றால் முக்கியமாக 5,9 பாவங்களைக் கட்டுப்படுத்தும் 4 ஆம் பாவத்தினைத் தொடர்பு பெற்றால் 1,5,9-ன் வலிமை குறையும்.
6ஆம் பாவத்தின் 2,4,6,10 பாவங்களின் தொடர்புகள்
உடல் உழைப்பினை அர்த்தமுள்ளதாக மாற்றி, நல்ல உயர்வைப் பெறுவர். படிப்படியாக பொருளாதாரம், பதவிகள், கௌரவமான தலைமைப் பதவி ஆகியவை உண்டாகும்.தன் முழுமையான திறமையும் பயன்படுத்தி முதன்மை நிலைக்கு வருவார். அதாவது எதிலும் வெற்றி என்ற ஒரே இலக்கோடு, மற்றவரை வீழ்த்தி, முதன்மை நிலைக்கு வருதல், தன் வேலைக் காரர்களை தகுந்த முறையில் பயன்படுத்தி தன் பொருளாதாரத்தை உயர்த்திக் கொள்ளுதல், திறமை மிக்க வேலைக்காரர்கள் அமைதல், கடன் பெற்று அதனை பொறுப்பாக தன் தொழிலை விரிவு படுத்துதல் ஆகியவை இதன் சிறப்பாகும்.
லக்னம், பல கிரகங்கள், தசைகள் ஒற்றைப்படட பாவங்களைத் தொடர்பு கொண்டால் இதன் வலிமை குறையும்.
6 ஆம் பாவம் 12 ஆம் பாவத்தையும் கட்டுப்படுத்தும்.
2,4,6,10 தொடர்புகள் தன் வேலையில் திடமான தீர்மானம், திட்டமிடல், ஒழுங்குபடுத்தல், ஆணையிடுதல் உள்ள அமைப்புகளைத் தரும் . பொதுவாக 8,12 பாவங்கள் பிரட்சனைகளைத் தரும் பாவங்கள் என்பதால், 2 ஆம் பாவம் 8 ஆம் பாவத்தையும் மற்றும் 6 ஆம் பாவம் 12 ஆம் பாவத்தையும் கட்டுப்படுத்தும்.
4ஆம் பாவத்தொடர்பு, நிலையான நோயினை உடல் பெறுவதை குறிக்கும். 6ஆம் பாவத்தின் 4ஆம் பாவத்தொடர்பு மிகவும் வலிமையான அமைப்பு. கடினமான ஓய்வில்லாமல் உழைப்பு என்பதால் உணவு ஆரோக்கியம் இதில் கவனம் இல்லாமல் ஏதேனும் நோய் தொடர்ந்து இருக்கும். எளிதில் ஜீரணம் ஆகாத உணவுகள் மற்றும் கலோரிகள் அதிகம் உள்ள உணவுகள் உண்ணும் பழக்கம் இருக்கும். வயிறு பகுதி பெரியதாக இளகுதன்மை இல்லாமல் இருக்கும்.
30 வயதில் உயர்வு இருக்கும்
10ஆம் பாவம் ,6ஆம் பாவத்தின் திரிகோண பாவம், இது லக்னத்திற்கு 70% சாதகமான பாவம் என்பதால் நோய் கிருமிகளால் உடலுக்கு எந்த பாதிப்பும் இல்லை. ஆனால் இந்த 10 ஆம் பாவம் 11 ஆம் பாவத்திற்கு விரய பாவம் (12ஆம்பாவம்) என்பதால் 11ஆம் பாவம் உடல் உறுதியை (Stamina) குறிப்பதால், இந்த தொடர்பு உடலின் உறுதித்தன்மையை குறைக்கும்.
ஆனால் புற வாழ்க்கை மிகவும் சிறப்பாக இருக்கும்.இது பெரிய வேலையாட்களை ஆட்சி செய்யும் அமைப்பு. தன் 30 வயதிலேயே "Green ink" ல் கையெழுத்திடும் நிலைக்கு உயர் பதவியில் அமர்வார்.
6ஆம் பாவத்தின் 8,12 பாவங்களின் தொடர்புகள்
இவைகள் 6ஆம் பாவத்திற்கு சாதகமான பாவங்கள் என்றாலும், அவை லக்னத்திற்கு மிகவும் தீமையான பாவங்கள் என்பதால் வேலையில் ஜாதகருக்கு அசிங்கம், அவமானம், வேலை இழப்பு போன்றவை உருவாகும். 6ஆம் பாவத்தின் 8ஆம் பாவத் தொடர்பு மிகவும் மோசமான அமைப்பு. மரணமும் நடக்கலாம். நம்மை விட பலம் குறைந்தவர்களிடம் தோற்பது வேலைக்காரர்களால் ஏமாற்றப்பட்டு பொருள்களை இழப்பது மற்றும் உணவால் பாதிப்பு,நுண் கிருமிகளால் நோய்களால் பாதிக்கப்படுவர்.
அதேபோல் மிகவும் கடினமான வேலைகள் மற்றும் கௌரவ குறைச்சலான வேலைகளை செய்வார்கள். அதிகமான வேலைகளை குறைந்த சம்பளத்திற்கு செய்வார்கள்.
ஆரோக்கியம் மீதான தாக்கம்
6ஆம் பாவத்தின் அகக் காரகங்கள், ஜாதகருக்கு வலி வேதனைகளைத் தரும். 8,12 பாவங்கள் மறைவு ஸ்தானங்கள் என்பதால், இந்த தொடர்பு ஜாதகரால் புரிந்து கொள்ள முடியாத நோயினைக் குறிக்கும் .8ஆம் பாவம் 6ஆம் பாவத்தின் பரிணாம பாவம் என்பதால் ஒன்றிற்கு மேற்பட்ட நோய்களையும், நோய்க் கிருமிகள் பல மடங்கு பெருகி, தீராத நோயாக மாறுவதையும் குறிக்கும்.
லக்னம், தசை, பல கிரகங்கள் 3,7,11 பாவங்களைத் தொடர்பு கொண்டால், சிறப்பான அமைப்பாக இருக்கும். 8,12 ஆல் வரும் வலி வேதனைகளைக் கட்டுப்படுத்தும். 8,12 உடன் 2,6ம் பாவங்கள் சேர்ந்து வருவதும் பிரச்சனையை சற்று கட்டுப்படுத்தும்.
6ஆம் பாவத்தின் 12ஆம் பாவத்தொடர்பால், ஜீரணக்கோளாறு, வேலைக்காரர்கள் பிரச்சனை, வேலை இழப்பு (Dismiss), உள் நோயாளி அதாவது மருத்துவமனையில் தங்கி சிகிச்சை பெறுதல் (In- Patient) ஆகியவற்றை கொடுக்கும்.