மறைந்தார் ஆர்.பி. சௌத்ரி: சூப்பர் குட் பிலிம்ஸ் தயாரிப்பு நிறுவனத்தின் உரிமையாளரான ஆர்.பி. சௌத்ரி தயாரித்த படங்கள் எல்லாம் காலத்தால் அழியாதவை.

இந்நிலையில் ராஜஸ்தான் மாநிலம் உதய்பூரில் நடந்த கார் விபத்தில் சிக்கி பலியானார் ஆர்.பி. சௌத்ரி. அவர் இறந்த செய்தி அறிந்த அனைவரும் பேரதிர்ச்சி அடைந்தார்கள்.

நல்ல மனுஷன், தலைக்கனமே இல்லாதவர், எப்பொழுதும் சிரித்த முகமாக இருப்பார். அவரை பார்த்தாலே ஒரு பாசிட்டிவ் எனர்ஜி வருமே என ஆர்.பி. சௌத்ரியை தெரிந்தவர்களும், கடந்து சென்றவர்களும் தெரிவித்துள்ளனர். ஆர். பி. சௌத்ரி தயாரித்த படம் என்றால் நம்பி பார்க்கலாம் என்று பெயர் வாங்கிய மனிதருக்கு இப்படி திடீரென்று மரணம் ஏற்பட்டதை நம்ப முடியாமல் மக்கள் தவிக்கிறார்கள்.

வைரமுத்து இரங்கல்: இந்நிலையில் கவிப்பேரரசு வைரமுத்து எக்ஸ் தளத்தில் அதிர்ச்சியை வெளிப்படுத்தியிருக்கிறார். ஆர்.பி. சௌத்ரி மறைந்தது குறித்த தகவல் அறிந்தது அய்யோ நிஜமாகவா என்று தன் மனம் அலறியதாக கூறியிருக்கிறார். கலைத்துறையின் அமுதசுரபி உடைந்துவிட்டது என வைரமுத்து உடைந்துவிட்டாராம். நாட்டாமை, ஆசை ஆசையாய், துள்ளாத மனமும் துள்ளும், ஷாஜகான், தித்திக்குதே, ஜில்லா போன்ற முத்திரை பதித்த படங்களை தயாரித்தவர் சௌத்ரி என்கிறார் வைரமுத்து.