தமிழக சட்டப்பேரவை இன்று காலை தொடங்கியதும் எதிர்க்கட்சி தலைவர் உதயநிதி ஸ்டாலின் சிறப்பு கவன ஈர்ப்பு ஒன்றை கொண்டு வந்தார்.

கலைஞர் கொண்டு வந்த ரூ.50 ரேஷன் திட்டம்

கருணாநிதி அவர்கள் 2007ஆம் ஆண்டு தொடங்கி வைத்த சிறப்பு பொது விநியோக திட்டம் தற்போது வரை நடைபெற்று வருகிறது. ரேஷன் கடைகளில் தற்போது வழங்கப்பட்டு வரும் சர்க்கரையின் அளவை விட கூடுதலாக வழங்க தற்போதைய அரசு ஆவன செய்ய வேண்டும். குறிப்பாக முதலமைச்சர் விஜய் தலைமையில் நிதி, உணவு, கூட்டுறவு உள்ளிட்ட துறைகளின் அமைச்சர்கள், அதிகாரிகள் கலந்து கொள்ளும் வகையில் சிறப்பு ஆலோசனை கூட்டம் ஒன்றை நடத்தி விலைவாசி உயர்வை கட்டுப்படுத்த அரசு நடவடிக்கை எடுக்க வேண்டும் என்று இந்த அரசின் கவனத்தை ஈர்த்து அமர்வதாக உதயநிதி ஸ்டாலின் தெரிவித்தார்.

இதே பிரச்சினை குறித்து முன்னாள் முதலமைச்சர் எடப்பாடி பழனிசாமி, பாமக எம்.எல்.ஏ கணேஷ் குமார், காங்கிரஸ் எம்.எல்.ஏ தாரகை கத்பர்ட், சிபிஐ எம்.எல்.ஏ ராமச்சந்திரன், சிபிஎம் எம்.எல்.ஏ செல்லசாமி உள்ளிட்டோரும் பேரவையில் எழுப்பினார்.

விலைவாசி உயர்வு கட்டுப்பாடு - அமைச்சர் வெங்கட்ரமணன் பதில்

இவர்களுக்கு பதிலளிக்கும் வகையில் பேசிய உணவுத்துறை அமைச்சர் வெங்கட்ரமணன், ஈரான் போரால் பெட்ரோல், டீசல் விலை உயர்வால் அத்தியாவசிய பொருட்களின் விலை உயர்ந்து காணப்படுகிறது. மகாராஷ்டிரா, கேரளா போன்ற மாநிலங்களிலும் சர்க்கரை விலை உயர்ந்துள்ளது. முதலமைச்சர் விஜய் தலைமையில் உரிய ஆலோசனை நடத்தப்பட்டு வருகிறது. அனைத்து மாவட்டங்களிலும் அத்தியாவசிய பொருட்களின் விலை பட்டியலை வாங்கி ஒப்பிட்டு, தொடர்ந்து கண்காணித்து வருகிறோம்.

இதற்காக Price Monitoring Committee ஒன்று செயல்பட்டு வருகிறது. அத்தியாவசிய பொருட்களின் விலையை கட்டுப்படுத்த அரசு நடவடிக்கை எடுத்து கொண்டிருக்கிறது. ரேஷன் கடைகளின் மூலமாகவும் பொருட்களை குறைந்த விலையில் விற்க பரிசீலனை செய்யப்பட்டு வருகிறது. விரைவில் விலைவாசி உயர்வு கட்டுக்குள் வரும் என்று அமைச்சர் வெங்கடரமணன் தெரிவித்தார்.