தவெகவினர் தொடர்ச்சியாக முதல்வர் விஜய் பிரதமர் வேட்பாளர் என கூறி வரும் நிலையில், காங்கிரஸ் கட்சியை சார்ந்தவர்கள் ராகுல் காந்திதான் பிரதமர் வேட்பாளர் என்று திட்டவட்டமாக தெரிவித்து வருகின்றனர். இந்நிலையில் சிஎம் விஜய்தான் அடுத்த பிரதமர் என தவெக எம்எல்ஏ கனிமொழி பேசியுள்ளதற்கு, காங்கிரஸ் கட்சியை சார்ந்த தாரகை கத்பர்ட் அளித்துள்ள பதில் அரசியல் வட்டாரத்தில் கவனம் பெற்று கொண்டிருக்கிறது.

பிரதமர் வேட்பாளர் விவாதம்

தவெக அமைச்சரவையில் காங்கிரஸ் கட்சி அங்கம் வகித்து வரும் நிலையில், விஜய்தான் அடுத்த பிரதமர் வேட்பாளர் என தவெகவினர் தொடர்ச்சியாக பேசி வருகிறார்கள். இதனை திட்டவட்டமாக மறுத்து வரும் காங்கிரஸ் கட்சியை சார்ந்தவர்கள், ராகுல் காந்திதான் அடுத்த பிரதமர் என உறுதியாக தெரிவித்து கொண்டிருக்கின்றனர். இதனால் இந்த விவகாரத்தில் தவெக, காங்கிரஸ் கட்சியை சார்ந்தவர்கள் இடையில் கருத்து வேறுபாடு நிலவி கொண்டிருக்கிறது.

தவெக எம்எல்ஏ கனிமொழி சந்தோஷ்

இந்நிலையில் சட்டப்பேரவைக்கு வளாகத்தில் செய்தியாளர்களை சந்தித்து பேசிய தமிழக வெற்றி கழகத்தின் எம்எல்ஏ கனிமொழி சந்தோஷ், 2029 பிரதமர் வேட்பாளர் நம்முடைய முதல்வர் விஜய்தான். 2025 ஆம் ஆண்டும் இதே மாதிரிதான் நடந்தது. என்கிட்ட இதுபோன்று தான் நடந்தது. அதன்பின்னர் 2026 என்ன நடந்தது என்பதை இந்த நாடே பார்த்து இருக்கும். எனவே 2029 மெயினான விஷயம் பிரதமர் யார் என்பதை முடிவெடுக்க கூடியது டெல்லியில் இருந்து நடைபெற போறது கிடையாது.

இந்திய அரசியலில் மாற்றம்

தமிழ்நாட்டில் இருந்துதான் முடிவு பண்ணி வர போறாங்க. இந்த அதிர்ச்சியான மாற்றத்தை இந்திய அரசியல் 2029 கண்டிப்பாக பார்க்கும் என தெரிவித்தார். அதனை தொடர்ந்து அவரிடம் காங்கிரஸ் கட்சியை சார்ந்தவர்களின் மறுப்பு தொடர்பாக கேட்கப்பட்டது. அதற்கு 2029-ல் அந்த விஷயத்தை பார்ப்பீங்க. அதுக்கப்புறம் தவெக அமைச்சரவையில் காங்கிரஸ் இருக்காங்களா, இல்லை வெளிய போவாங்களா என்பதை பார்ப்பீங்க.

தாரகை கத்பர்ட் பதில்

விஜய்யை முதல்வர் நாற்காலியில் அமர வைத்ததே காங்கிரஸ் தலைவர் ராகுல் காந்திதான். அதே மாதிரி பிரதமர் சீட்டிலும் உட்கார வைக்க போவது அவர்தான் என கருத்து தெரிவித்தார். அவரின் இந்த பேச்சு அரசியல் வட்டாரத்தில் பரபரப்பினை கிளப்பியுள்ளது. மற்றொரு பக்கம் காங்கிரஸ் எம்எல்ஏ தாரகை கத்பர்ட் செய்தியாளர்களை சந்தித்துள்ள நிலையில், ராகுல் காந்திதான் பிரதமர் வேட்பாளர் என திட்டவட்டமாக தெரிவித்துள்ளார்.

ராகுல் காந்திதான் பிரதமர்

இது சம்பந்தமாக அவர் பேசுகையில், அனைவராலும் ஏற்றுக்கொள்ளப்பட்டுள்ள தலைவர் ராகுல் காந்திதான். அது உலகத்திற்கே தெரியும். சிஎம் விஜய் இதுவரைக்கும் ராகுல் காந்திதான் பிரதமர் என்பதில் தெளிவாக இருக்கிறார். எனவே இப்போ வந்திருக்கும் எம்எல்ஏக்கள் அனைவரும் புதுசு. அவர்கள் இன்னும் ரசிகர் மனநிலையில் தான் இருக்கிறார்கள். அவர்களுடைய கட்சி தலைவரை தான் பிரதமர் என்று சொல்வார்கள். அதில் தப்பு கிடையாது.

வருங்காலத்தில் தெளிவாகவே சிஎம் விஜய் சொல்லிவிட்டார். 2029-ல் பிரதமர் ராகுல் காந்திதான் என திட்டவட்டமாக தெரிவித்தார். இதில் எந்த குழப்பமும் கிடையாது எனவும் தாரகை கத்பர்ட் தெரிவித்துள்ளார். இப்படியாக பிரதமர் வேட்பாளர் தொடர்பாக தவெக, காங்கிரஸ் கட்சியினர் இடையில் மாறுப்பட்ட கருத்துக்கள் நிலவி கொண்டிருக்கிறது. இதனால் இந்த கூட்டணியில் அடுத்து என்ன நடக்கும் என்பது அரசியல் வட்டாரத்தில் மிகப்பெரிய எதிர்பார்ப்பாக மாறியுள்ளது குறிப்பிடத்தக்கது.