பிரிட்ஜில் சேமிக்கும் காய்கறிகள் விரைவாக அழுகிவிடுவது பலரும் சந்திக்கும் பிரச்சனையாகும். இதற்கு பின்னால் இருக்கும் அறிவியல் காரணங்கள், காய்கறிகளை சேமிப்பதில் பலரும் செய்யும் தவறுகள் மற்றும் பாதுகாப்பாக சேமிக்கும் முறையை இங்கு காணலாம்

சில காய்கறிகள் மற்றும் பழங்கள், இயற்கையாகவே 'எத்திலீன்' எனும் வாயுவை வெளியிடும். இது மற்ற காய்கறிகளையும் வேகமாகப் பழுக்க வைத்து, சீக்கிரம் அழுகச் செய்துவிடும். குறிப்பாக கீரை காய்கறிகள் விரைவாக அழுகிட வாய்ப்புள்ளது.

குளிர்ச்சியான சூழலிலும் சில பூஞ்சைகளும், பாக்டீரியாகவும் மெதுவாக வளரக்கூடும். குறிப்பாக காய்கறிகளில் ஈரப்பதம் அதிகமாக, அழுக தொடங்கும். நீர்ச்த்து நிறைந்த காய்கறிகள் பூஞ்சை வளர்வதற்கு ஏற்ற இடமாகும்.பாக்டீரியா தாக்கத்தால் கெட்ட வாடையும் வரக்கூடும்.

காய்கறிகளில் அதிகளவு நீர்ச்சத்து இருக்கும். பிரிட்ஜில் இருக்கும் உலர்ந்த காற்று, காய்கறிகளில் உள்ள நீரை உறிஞ்சிவிட செய்கிறது. இதனால்தான் கத்தரிக்காய், வெண்டைக்காய் போன்றவை சுருங்கிப் போகின்றன.

பிரிட்ஜின் ஒவ்வொரு பகுதியும் ஒவ்வொரு வெப்பநிலையில் இருப்பது, காய்கறிகள் கெட்டுப்போவதற்கு காரணமாகிறது. கதவு பகுதி அதிக வெப்பமானது, ஷெல்ப் பகுதி அதிக குளிர்ச்சியானது. கதவை அடிக்கடி திறக்கும்போது, உள்ளே இருக்கும் குளிர்ந்த காற்று வெளியேறி வெப்பநிலை மாறக்கூடும். இவை காய்கறிகளுக்கு திடீர் அழுத்தத்தை அளித்து செல்கள் பாதித்து அழுகிட காரணமாகலாம்

• காய்கறிகள் மற்றும் பழங்களை ஒன்றாக சேமித்து வைப்பது
• காய்கறிகளை கவர் அல்லது பையில் போடாமல் திறந்தப்படி பிரிட்ஜில் வைப்பது
• பிரிட்ஜ் கதவுப் பகுதியில் காய்கறிகளை சேமித்து வைப்பது
• காய்கறிகளை சேமிக்கும் முன்பு கழுவுவது. இது ஈரப்பதத்தை அதிகரிக்க செய்யலாம்
• தக்காளியை பிரிட்ஜில் வைக்காமல் வெளியில் வைப்பது நல்லது. பிரிட்ஜில் வைத்தால் அதன் சுவையும் தன்மையும் மாறும்.​