இந்த இறுதிப் போட்டியில், ஈஸ்ட் ஜோன் மற்றும் சௌத் ஜோன் ஆகிய அணிகள் விளையாட உள்ளது.

சுவாரசிய சம்பவம்: இத்தொடரில் இதுவரை நடைபெற்ற போட்டிகளில், ஒரு சுவாரசிய சம்பவம் நடைபெற்றுள்ளது. அதாவது, இதுவரை நடைபெற்ற துலீப் டிராபி 2026 தொடர் போட்டிகளில், அதிக சிக்ஸர்கள் அடித்தோர் பட்டியலில் சென்னை சூப்பர் கிங்ஸ் அணியை சேர்ந்த பௌலர் முதல் இடத்திலும், பெரிய எதிர்பார்ப்புகளுக்கு மத்தியில் விளையாடிய வைபவ் சூர்யவன்ஷி 2ஆவது இடத்திலும் இருக்கிறார்கள்.

சிஎஸ்கேவை சேர்ந்த பௌலர் அன்ஷுல் கம்போஜ், 10 சிக்ஸர்களுடன் முதல் இடத்திலும், வைபவ் சூர்யவன்ஷி 9 சிக்ஸர்களுடன் 2ஆவது இடத்திலும் இருக்கிறார்கள்.

வெஸ்ட் ஜோன் அணிக்கு எதிரான முதல் இன்னிங்ஸில் 52 பந்துகளில் 5 சிக்ஸர்கள் உட்பட 60 ரன்களை குவித்தார். பிறகு, 2ஆவது இன்னிங்ஸில், 28 பந்துகளில் மூன்று சிக்ஸர்கள் உட்பட 22 ரன்களை சேர்த்தார். அடுத்து, சௌத் ஜோன் அணிக்கு எதிரான முதல் இன்னிங்ஸில், 11 பந்துகளில் ஒரு சிக்ஸரை கூட அடிக்காமல் 2 ரன்களை சேர்த்தார். அடுத்து, இரண்டாவது இன்னிங்ஸில், 29 பந்துகளில் 2 சிக்ஸர்கள் உட்பட 36 ரன்களை எடுத்தார். இப்படி, 4 இன்னிங்ஸ்களில் 10 சிக்ஸர்களை அடிக்க முடிந்தது.

அன்ஷுல் கம்போஜ் இடம்பெற்ற நார்த் ஜோன் அணி, பைனலுக்கு முன்னேறவில்லை.

சூர்யவன்ஷி சிக்ஸர்கள்: காலிறுதி ஆட்டத்தில், நார்த் ஈஸ்ட் ஜோன் அணிக்கு எதிரான முதல் இன்னிங்ஸில் 6 பந்தில் ஒரு சிக்ஸரை கூட அடிக்காமல் 8 ரன்களை மட்டும் எடுத்து அவுட் ஆனார்.

அடுத்து, அரையிறுதியில், சென்ட்ரல் ஜோன் அணிக்கு எதிராக முதல் இன்னிங்ஸில் 81 பந்துகளில் 7 சிக்ஸர்கள் உட்பட 92 ரன்களை சேர்த்தார். இரண்டாவது இன்னிங்ஸில், 43 பந்துகளில் 2 சிக்ஸர்கள் உட்பட 40 ரன்னை சேர்த்தார். இப்படி, மூன்று இன்னிங்ஸ்களில் 9 சிக்ஸர்களை அடிக்க முடிந்தது. நார்த் ஈஸ்ட் அணி, இன்னிங்ஸ் தோல்வியை பெற்றதால், அந்த போட்டியில், சூர்யவன்ஷிக்கு 2ஆவது இன்னிங்ஸ் கிடைக்கவில்லை.

சூர்யவன்ஷி சார்ந்திருக்கும் ஈஸ்ட் ஜோன் அணி, தற்போது பைனலுக்கு முன்னேறியுள்ளது. இதில், 2 சிக்ஸர்களை அடித்தால்தான், அன்ஷுல் கம்போஜை பின்னுக்கு தள்ளி, சூர்யவன்ஷியால் முதல் இடத்தை பிடிக்க முடியும்.

டெஸ்டில் சொதப்பும் சூர்யவன்ஷி: வைபவ் சூர்யவன்ஷி, இதுவரை 9 முதல்தர டெஸ்ட் போட்டிகளில் விளையாடி, அதில் 6 இன்னிங்ஸ் களமிறங்கி, வெறும் 16.53 சராசரியில் 215 ரன்களைதான் அடித்துள்ளார். இதில், ஒரேயொரு அரை சதம் மட்டுமே அடங்கும். இது மோசமான ரெக்கார்டாகதான் இருக்கிறது.

இதனால், இனி அடுத்த 10 டெஸ்ட் போட்டிகளில் தொடர்ச்சியாக அபாரமாக ஆடினால் மட்டுமே, சூர்யவன்ஷி மீது பிசிசிஐக்கு நம்பிக்கை ஏற்படும். ஒருவேளை, டெஸ்டில் அவர் தொடர்ச்சியாக சொதப்பினால், டி20 பார்மெட்டில் மட்டுமே ரெகுலராக விளையாட முடியும் என்ற நிலைமை ஏற்படும். அவர், டெஸ்ட், ஒருநாள் பார்மெட்டிலும் தொடர்ச்சியாக பந்துகளை தூக்கியடிக்க முற்படுவதால்தான், பெரிய தாக்கத்தை ஏற்படுத்த முடியவில்லை எனக் கருதப்படுகிறது.