Dailyhunt Logo
  • Light mode
    Follow system
    Dark mode
    • Play Story
    • App Story
ஈரான் - அமெரிக்கா போருக்கு முடிவே இல்லையா? தொடரும் ஹார்மூஸ் நீரிணை சிக்கல்- 5 காரணங்கள்!

ஈரான் - அமெரிக்கா போருக்கு முடிவே இல்லையா? தொடரும் ஹார்மூஸ் நீரிணை சிக்கல்- 5 காரணங்கள்!

Samayam Tamil 6 months ago

வளைகுடா நாடுகள் மீது கைவைத்தால் சர்வதேச அரங்கில் என்ன நடக்கும் என்பதை அனைவரும் கண்கூடாக பார்த்து வருகிறோம்.

ஏனெனில் அங்குள்ள எண்ணெய் வளத்தை நம்பி ஆசியா, ஐரோப்பா கண்டங்களை சேர்ந்த பல நாடுகள் இருக்கின்றன. குறிப்பாக ஈரான் மீது இஸ்ரேல், அமெரிக்கா ஆகிய நாடுகள் தொடங்கிய போரால் ஹார்மூஸ் நீரிணை முடக்கப்பட்டது. இதன் வழியாக தான் உலகின் பல நாடுகளுக்கு எரிபொருள் சென்று கொண்டிருக்கிறது. இது முடக்கப்பட்டதால் கேஸ், பெட்ரோல், டீசல் தட்டுப்பாடு ஏற்படும் சூழல் உருவாகியுள்ளது.

விடாப் பிடியாக நிற்கும் ஈரான், அமெரிக்கா

இருப்பினும் அமெரிக்காவின் நெருக்கடிக்கு ஈரான் இறங்கி வரவில்லை. பெரிய அளவில் பொருட்சேதத்தை சந்தித்தாலும் போரை தொடர்ந்து வருகின்றனர். அந்த அளவிற்கு ராணுவ கட்டமைப்பை பரவலாகவும், வலிமையாகவும் வைத்திருப்பது ஆச்சரியம் அளிக்கிறது. மறுபுறம் அமெரிக்க அதிபர் டொனால்ட் ட்ரம்பும் விடுவதாக இல்லை. ஈரானை ஒன்றும் இல்லாமல் செய்துவிடுவேன் என்றெல்லாம் எச்சரித்து வருகிறார்.

பாகிஸ்தான் சமாதான ஏற்பாடு அடுத்தடுத்து பின்னடைவு

இதற்கிடையில் ஏப்ரல் 8ஆம் தேதி போர் நிறுத்தம் அமலுக்கு வந்தது. ஈரான், அமெரிக்கா இடையில் பல்வேறு கட்டங்களாக பேச்சுவார்த்தை நடைபெற்று வருகிறது. இதில் பாகிஸ்தான் மத்தியஸ்தம் செய்து வருவது முக்கியமானதாக பார்க்கப்படுகிறது. ஆனாலும் உடன்பாடு எட்டப்படவில்லை. இஸ்லாமாபாத் அழைத்து நடத்தப்படு பேச்சுவார்த்தைகள் அடுத்தடுத்து பின்னடைவாக முடிகின்றன. தற்போது போரும் இல்லை, அமைதி உடன்படிக்கையும் இல்லை என்று சொல்லும் அளவிற்கு நிலைமை மாறியிருக்கிறது. இதனால் வளைகுடாவில் ஏற்பட்ட பதற்றமான சூழல் தொடர்கிறது.

போர் முடிவுக்கு வருவதில் என்ன சிக்கல்? 5 காரணங்கள்!

  1. சர்வதேச எரிபொருள் வர்த்தகத்தில் முக்கிய பங்காற்றி வரும் ஹார்மூஸ் நீரிணையை முடக்கும் விஷயத்தை ஈரான், அமெரிக்கா என இரண்டு நாடுகளுமே மேற்கொண்டு வருகின்றன. இந்த பிடியை விட்டு விடக் கூடாது என விரும்புகின்றன. உலகளாவிய எரிசக்தி ஏற்றுமதியை ஈரான் தடுக்கிறது. ஈரான் துறைமுகங்களுக்கு செல்லும் மற்றும் வரும் கப்பல்களை அமெரிக்கா முற்றுகையிடுகிறது.
  2. ஒருபுறம் அமெரிக்கா அதிக பொருட்செலவில் தயாரிக்கப்பட்ட ராணுவ தளவாடங்களை பயன்படுத்தி போரிட்டு வருகிறது. மறுபுறம் மலிவு விலை ட்ரோன்களை கொண்டு ஈரான் நடுக்கம் காட்டி கொண்டிருக்கிறது. மேலும் கடலில் வைக்கப்பட்ட கண்ணி வெடிகளை அகற்ற அமெரிக்க கடற்படை அதிக நேரத்தையும், பணத்தையும் செலவிட நேரிடுகிறது. இந்த செலவு வித்தியாசமானது போர் சூழலில் ஈரானை காலவரையற்ற வகையில் தொடர்ந்து தக்க வைத்து வருகிறது.
  3. எரிவாயு விநியோகத்தை தொடர்ச்சியாக முடக்குவதன் மூலம் கச்சா எண்ணெய்பீப்பாய் விலையை 120 டாலருக்கு மேல் உயர்த்தி, அமெரிக்காவிற்கு பணவீக்க அடிப்படையிலும், உள்நாட்டு அரசியலிலும் அழுத்தம் கொடுக்க ஈரான் முயற்சிக்கிறது.
  4. வளைகுடா பகுதிகளை அமெரிக்காவால் கட்டுப்படுத்த முடியாது என்று ஈரான் கருதுகிறது. இதன்மூலம் தங்கள் அதிகாரத்தை தக்க வைத்து கொள்ள முயற்சிக்கின்றனர். மேலும் அதிக செலவு செய்து இந்த போரை தொடராது. ஒருகட்டத்தில் சோர்வடைந்து விடும் என நம்புகிறது.
  5. சமீபத்தில் ஹார்மூஸ் நீரிணை வழியாக செல்லும் கப்பல்களுக்கு சுங்கக் கட்டணம் விதிக்கும் நடைமுறையை ஈரான் அமல்படுத்தியது. இதை அமெரிக்கா வன்மையாக கண்டித்தது. அவ்வாறு சுங்கக் கட்டணம் செலுத்தும் கப்பல்களை சும்மா விட மாட்டோம் என்று எச்சரித்தது. இவ்வாறு ஹார்மூஸ் நீரிணையை துருப்புச்சீட்டாக இரு நாடுகளும் மாறி மாறி பயன்படுத்துகின்றனர். போர் நடைபெறாவிட்டாலும் எரிபொருள் ஏற்றுமதி பிரச்சினை இழுபறியாகி வருகிறது. இது அமைதி உடன்படிக்கையை பற்றி யோசிக்க விடாமல் செய்கிறது.
Dailyhunt
Disclaimer: This content has not been generated, created or edited by Dailyhunt. Publisher: Samayam Tamil