அதில் ஆனைக்கல் பாளையம் 4 ரோடு, முத்துக்கவுண்டன்பாளையம் 4 ரோடு ஆகிய இரண்டு பகுதிகளிலும் வாகன நெரிசல் காரணமாக அடிக்கடி விபத்துகள் நிகழ்கின்றன. இந்த இரண்டு பகுதிகளிலும் சர்வீஸ் ரோடு உடன் கூடிய உயர்மட்ட மேம்பாலம் அமைத்து தரப்படுமா? என்று அமைச்சரிடம் கேட்பதாக தெரிவித்தார்.

மொடக்குறிச்சி எம்.எல்.ஏ கேள்விக்கு அமைச்சர் ஆதவ் ஆர்ஜுனா பதில்

அதற்கு பதிலளித்த பொதுப்பணித்துறை அமைச்சர் ஆதவ் அர்ஜுனா, சட்டப்பேரவை உறுப்பினர் இந்த கேள்வியை முன்பே கொடுத்திருக்கிறார். அதற்கான ஆய்வுகளை மேற்கொள்ள இருக்கிறோம். கூடிய விரைவில் இதுதொடர்பான அறிவிப்புகள் வெளியிடப்படும் எனக் கூறினார். கொங்கு மண்டலத்தில் முக்கியமான தொழில் நகராக திகழும் ஈரோடு நகரின் தெற்கு புறநகர் பகுதியில் அவுட்டர் ரிங் ரோடு அமைந்துள்ளது. இது நாமக்கல் மாவட்டத்தின் கிழக்கு பகுதி நெடுஞ்சாலை உடன் இணைகிறது.

ஈரோடு அவுட்டர் ரிங் ரோடு பின்னணி

மொத்தம் 15 கிலோமீட்டர் தூரம் கொண்டது. இந்த சாலையின் கிழக்கு பகுதியில் கொக்கராயன்பேட்டை, பரிசல்துறை, முத்துக்கவுண்டன்பாளையம், ஆனைக்கல் பாளையம், ரங்கம் பாளையம் ஆகியவையும், மேற்கு பகுதியில் திண்டல் சின்னமேடு ஆகியவை முக்கியமான ஜங்ஷன்களாக இருக்கின்றன. இவற்றை சுற்றுவட்டாரப் பகுதிகளில் உள்ள மக்கள் தினசரி பயன்படுத்தி வருகின்றனர். இந்த சூழலில் தான் மொடக்குறிச்சி எம்.எல்.ஏ கூறிய படி, குறிப்பிட்ட இரண்டு பகுதிகளில் நெருக்கடி அதிகரித்து வருகிறது. இது அடிக்கடி விபத்துகள் நிகழும் வகையில் மாறி கொண்டிருக்கிறது.

அவுட்டர் ரிங் ரோடு 2 புதிய பாலங்கள்- என்னென்ன பயன்கள்?