நம் ஜாதகத்தில் செவ்வாய் சாதகமான நிலையில் இருக்க, நம் வாழ்க்கை சிறப்பாக செல்லும், அதேநேரம் பலவீனமான நிலையில் இருக்க உடல் ஆரோக்கியம் சார்ந்த பிரச்சனைகள், மன ஆரோக்கியம் சார்ந்த பிரச்சனைகள் எழும் என நம்பப்படுகிறது. உடல் ஆரோக்கியம் மற்றும் மன ஆரோக்கியம் இரண்டையும் பாதிக்கும் ஒரு விஷயமாக இது பார்க்கப்படுகிறது. நம் ஜாதகத்தில் செவ்வாய் பலவீனமான நிலையில் இருப்பதை, ஒரு சில அறிகுறிகள் வைத்து நாம் புரிந்துக்கொள்ள முடியும்!

செவ்வாய் கிரகத்தின் பலவீனமான நிலையை குறிக்கும் அறிகுறிகள்:

• அடிக்கடி வாக்குவாதம் : தனி ஒரு நபரின் ஜாதகத்தில் செவ்வாய் பலவீனமான நிலையில் இருப்பது அவர்களின் தன்மையான குணத்தை பாதிக்கும், கோபத்தை அதிகரிக்கும். இதன் தாக்கம், குடும்ப உறவுகள் மற்றும் நண்பர்களுடன் அடிக்கடி வாக்குவாதத்தில் ஈடுபடும் நிலை உண்டாகும்.
• மன அழுத்தம் : செவ்வாய் கிரகத்தின் பலவீனமான நிலை நம் உடல் நிலையில் எதிர்மறையான தாக்கத்தை உண்டாக்கலாம். உடல் ஆரோக்கியத்தில் மட்டும் அல்ல, மன ஆரோக்கியத்தையும் பாதிக்கலாம். குடும்ப உறவுகளின் காணப்படும் மனஸ்தாபங்கள், கருத்து வேறுபாடுகள் நம் வாழ்க்கையில் பதற்றத்தை அதிகரிக்கலாம், நிம்மதியான இரவு உறக்கத்தையும் தடுக்கலாம்.
• இரத்த அழுத்த பிரச்சனை : செவ்வாய் கிரகத்தின் பலவீனமான நிலை, பதற்றத்தை அதிகரிப்பதோடு இரத்த அழுத்தம் தொடர்பான பிரச்சனைகளையும் அதிகரிக்கலாம் என நிபுணர்கள் குறிப்பிடுகின்றனர். இதன் தாக்கம் பணியிடத்தில் முழு ஈடுபாட்டுடன் பணி செய்ய விடாது உங்களை தடுக்கும், அடிக்கடி உடல் சோர்வு போன்ற பிரச்சனைகளும் உண்டாகும்.
• தொழில் போட்டி அதிகரிக்கும் : ஆற்றல் மிக்க செவ்வாய் கிரகம் உங்கள் சாதகத்தில் பலவீனமான நிலையில் இருக்கும் போது, உங்கள் கடின உழைப்புக்கு கிடைக்க வேண்டிய பலன்கள் கிடைப்பதில் கால தாமதம் நீடிக்கும். உங்கள் இலக்கை அடைய நீங்கள் கடினமாக உழைக்கும் நிலையிலும், அதற்கான பலன் கிடைப்பதில் சிக்கல் காணப்படும். பணியிடத்தில் பிரச்சனைகள் நிறைந்து காணப்படும், அவற்றை சமாளிக்க நீங்கள் கூடுதல் கவனத்துடன் செயல்பட வேண்டி இருக்கும்.
• தயக்கம், தன்னம்பிக்கை இன்மை : முன்னர் குறிப்பிட்டது போல், தனி நபரின் தன்னம்பிக்கை, ஆளுமை பண்புகள் மற்றும் மன வலிமையை பிரதிபலிக்கும் ஒரு கிரகமாக செவ்வாய் கிரகம் பார்க்கப்படுகிறது. செவ்வாய் கிரகத்தின் பலவீனமான நிலை உங்கள் மன உறுதியை சிதைப்பதோடு, தைரியமாக செயல்பட விடாமலும் தடுக்கும்!

செவ்வாய் கிரகத்தை வலுப்படுத்த என்ன செய்ய வேண்டும்?

1. செவ்வாய்க்கிழமைகள் தோறும், ஹனுமன் கோவிலுக்கு சென்று 'ஹனுமான் சாலிசா' மந்திரத்தை உச்சரித்து, ஹனுமனை வழிபட வேண்டும். இதை தவிர்த்து தினமும் காலை குளித்து முடித்த பின்னர் வீட்டில் இருந்த படியே ஹனுமனை நினைத்து இந்த ஹனுமான் சாலிசா மந்திரத்தை நீங்கள் உச்சரித்து வரலாம்.
2. செவ்வாய்க்கிழமை ஹனுமான் வழிபாட்டை முடித்த பின்னர், சிவப்பு நிறத்தில் இருக்கும் பொருட்களை தானம் செய்யலாம். அல்லது, இயலாதவர்களுக்கு அன்னதானம் செய்து வரலாம்.
3. செவ்வாய்க்கிழமைகளில் "ஓம் க்ராம் க்ரீம் க்ராம் சஹ் பூமாய நம" எனும் மந்திரத்தை குறைந்தது 108 முறை உச்சரிப்பதன் மூலமும், உங்கள் ஜாதகத்தில் செவ்வாய் கிரகத்தை பலப்படுத்த முடியும். மந்திரத்தை உச்சரிக்கும் போது, ஹனுமன் படத்திற்கு முன் நல்லெண்ணை விளக்கு ஏற்றுவது நல்லது!

(பொறுப்பு துறப்பு: பரிந்துரைக்கப்பட்ட பரிகாரங்கள் மத மற்றும் மரபு சார்ந்த நம்பிக்கைகளை அடிப்படையாகக் கொண்டவை; அறிவியல் அடிப்படையில் அல்ல)