கூலி லோகேஷ் கனகராஜ்ஆகஸ்ட் 14ம் தேதி எப்பொழுது வரும் ரஜினிகாந்த் நடித்திருக்கும் கூலி படத்தை எப்பொழுது பார்ப்போம் என காத்துக் கொண்டிருக்கிறார்கள் சூப்பர் ஸ்டார் ரசிகர்கள்.
இந்நிலையில் கூலி படம் தொடர்பாக பேட்டிகள் கொடுத்து வருகிறார் லோகேஷ் கனகராஜ்.
தான் ஆக்ஷன் கதையில் ஹீரோவாக நடிக்க வசதியாக உடல் எடையை குறைத்து வருவதுடன் தாடி வளர்த்துக் கொண்டிருப்பது பற்றியும் பேசுகிறார். கூலி படம் குறித்தும், ரஜினியுடன் சேர்ந்து முதல் முறையாக வேலை செய்தது குறித்தும் பேசி வருகிறார் லோகேஷ்.
லோகேஷ் கனகராஜின் மதம்
இந்நிலையில் லோகேஷ் கனகராஜ் ஒரு கிறிஸ்தவரா என கூகுள் செய்து வருகிறார்கள் சினிமா ரசிகர்கள். திடீரென்று லோகேஷின் மதம் மீது அவர்களுக்கு அப்படியொரு சந்தேகம் வந்தது ஏன் என தெரியவில்லை. திரையுலக பிரபலங்களின் மதம் மற்றும் ஜாதி குறித்து கூகுள் செய்வது புதிது இல்லை. ஆனால் கூலி ரிலீஸ் நேரத்தில் லோகேஷின் மதம் ஏன் முக்கியத்துவம் பெற்றிருக்கிறது என்பதே கேள்வி ஆகும்.
ரசிகர்கள் தன்னை பற்றி இப்படியொரு விஷயத்தை தேடுகிறார்கள் என்பது லோகேஷ் கனகராஜுக்கு தெரியுமா என்பது தெரியவில்லை. அவர் கூலி பட ப்ரொமோஷனில் பிசியாக இருக்கிறார்.
எல்.சி.யு. படம் கூலி
கூலி படத்திற்காக விண்வெளி நாயகன் கமல் ஹாசன் வாய்ஸ் ஓவர் கொடுத்திருப்பதாக தகவல் வெளியானது. அப்படி என்றால் கூலி தனி படம் இல்லை எல்.சி.யு.வில் வந்துவிடுகிறது என பேச்சு கிளம்பியது. மேலும் கமல் வாய்ஸ் மட்டும் கொடுக்கவில்லை நடிக்கவும் செய்திருக்கிறார் என பேசப்பட்டது. இது குறித்து லோகேஷ் கனகராஜிடமே கேட்கப்பட்டது.
அதற்கு அவரோ, கூலி படம் எல்.சி.யு.வில் வராது. இந்த படத்தில் கமல் சார் நடிக்கவில்லை. விக்ரம் எப்படி தனி படமோ கூலியும் அதே மாதிரி தான் என்றார்.
நான் சூப்பர் ஸ்டார் ரஜினிகாந்தை வைத்து எடுத்திருக்கும் கூலி படம் எல்.சி.யு. கிடையாது என லோகேஷ் கனகராஜ் சொல்லியும் கூட நம்ப மறுக்கிறார்கள் ரசிகர்கள். ஒரு வேளை சர்பிரைஸாக இருக்கட்டும் என லோகிணா பொய் கூட சொல்லலாம் இல்லையா என்கிறார்கள் ரசிகர்கள்.
கூலி இசை வெளியீட்டு விழா ஸ்பெஷல்
இதற்கிடையே கூலி படத்தின் இசை வெளியீட்டு விழாவை எதிர்பார்த்து காத்திருக்கிறார்கள் சினிமா ரசிகர்கள். அதற்கு காரணம் ரஜினி சொன்ன ஒரு விஷயம் ஆகும். லோகேஷ் கனகராஜ் கமல் ஹாசனின் நம்பர் ஒன் ரசிகன் என்பதை கூலி செட்டில் ரஜினியிடம் சொல்லியிருக்கிறார்கள். அதற்கு அவரோ, இசை வெளியீட்டு விழாவில் லோகேஷ் கனகராஜை பார்த்துக்கிறேன் என கூறியிருக்கிறார்.
தலைவர் நிச்சயம் குட்டி கதை சொல்வார் என எதிர்பார்க்கப்படும் நிலையில் லோகேஷ் கனகராஜை என்ன செய்யப் போகிறார் என்பதை தெரிந்து கொள்ளும் ஆவலும் ஏற்பட்டிருக்கிறது. நண்பன் ரஜினிக்காகவும், தன் ரசிகன் லோகேஷுக்காகவும் கூலி இசை வெளியீட்டு விழாவில் கமல் ஹாசன் கலந்து கொள்வாரா என்கிற கேள்வி எழுந்திருக்கிறது.
யார் அவர் லோகேஷ்?