இந்தியாவின் மொத்த விற்பனை விலை குறியீடு (WPI) தொடர்பான தரவுகள் வெளியாகியுள்ளன. ஜூலை மாதத்தில் மொத்த விற்பனை விலைவாசி (பணவீக்கம்) உயர்வு விகிதம் குறைந்துள்ளது. மத்திய வர்த்தக அமைச்சகம் வெளியிட்டுள்ள தரவுகளின்படி, இந்தியாவின் மொத்த விற்பனை விலைவாசி உயர்வு விகிதம் ஜூன் மாதத்தில் இருந்த 9.87 சதவீதத்திலிருந்து ஜூலை மாதத்தில் 9.78 சதவீதமாகக் குறைந்துள்ளது. 2022-23ஆம் ஆண்டை அடிப்படை ஆண்டாகக் கொண்டு கணக்கிடப்படும் அரசின் புதிய WPI வரிசையில், ஜூன் மாதத்தில் பதிவான அளவே இதுவரை இல்லாத அளவுக்கு மிக அதிகமாக இருந்தது.

ஜூன் மாதத்தில் சில்லறை பணவீக்கம்!

ஜூலையில் 4.45 சதவீதமாக உயர்ந்ததாகவும், உணவுப் பொருட்களின் விலை நுகர்வோர் விலைவாசி உயர்வுக்குக் காரணமாக அமைந்ததாகவும் அரசு தரப்பு தரவுகள் வெளியாகியுள்ளன. அதைத் தொடர்ந்த சில நாட்களிலேயே இந்த ஜூலை மாத மொத்த விற்பனை விலைவாசித் தரவு வெளியாகியுள்ளது. ஜூலை மாதத்திலும் மொத்த விற்பனை விலைவாசி உயர்வு விகிதம் ஜூன் மாதத்தைப் போலவே 9.95 சதவீதம் என்ற உயர் மட்டத்திலேயே நீடிக்கும் என்று தகவல் வெளியாகியுள்ளது.

எரிபொருள் மற்றும் மின்சாரப் பிரிவுக்கான விலைவாசி உயர்வு விகிதம் ஜூன் மாதத்தில் 27.41 சதவீதமாக இருந்த நிலையில், ஜூலை மாதத்தில் 20.05 சதவீதமாக இருந்தது. சமீபத்திய மாதங்களில் மொத்த விற்பனை விலை அழுத்தத்திற்கு இந்தப் பிரிவு முக்கிய காரணமாக இருந்து வருகிறது. இருப்பினும், இதன் விலைவாசி உயர்வு விகிதம் மே மாதத்தில் 30.33 சதவீதத்திலிருந்து ஜூன் மாதத்தில் 27.41 சதவீதமாகக் குறைந்திருந்தது. முதன்மைப் பொருட்களுக்கான (primary articles) விலைவாசி உயர்வு விகிதம் ஜூன் மாதத்தில் 7 சதவீதமாக இருந்த நிலையில், ஜூலை மாதத்தில் 8.52 சதவீதமாக இருந்தது.

அதேபோல, உற்பத்திப் பொருட்களுக்கான (manufactured products) விலைவாசி உயர்வு விகிதம் முந்தைய மாதத்தில் 7.48 சதவீதமாக இருந்த நிலையில், ஜூலை மாதத்தில் 8.29 சதவீதமாக இருந்தது. உணவு மற்றும் பானங்கள், முதன்மைப் பொருட்களின் கீழ் வரும் பதப்படுத்தப்பட்ட உணவுப் பொருட்கள் ஆகியவற்றை உள்ளடக்கிய WPI உணவு குறியீடானது ஜூன் மாதத்தில் 6.14 சதவீதமாக இருந்த நிலையில் ஜூலை மாதத்தில் 6.65 சதவீதத்தைப் பதிவு செய்தது. மே மாதத்தில் 4.49 சதவீதமாக இருந்த உணவுப் பொருட்களுக்கான விலைவாசி உயர்வு விகிதம் ஜூன் மாதத்தில் கணிசமாக அதிகரித்தது.

பணவீக்க அழுத்தம் ஏன் அதிகரிக்கிறது?

முதன்மைப் பொருட்களின் தொகுப்பில் ஜூலை மாதத்தில் உணவுப் பொருட்களின் விலை பணவீக்கம் 5.44 சதவீதமாகவும், கனிமங்கள் மற்றும் உணவு அல்லாத பொருட்களின் விலை பணவீக்கம் முறையே 13.28% மற்றும் 17.66% ஆகவும் பதிவாகின. உற்பத்திப் பொருட்களில் உணவுப் பொருட்கள், அடிப்படை உலோகங்கள் மற்றும் ரசாயனங்கள் மற்றும் ரசாயனப் பொருட்களின் பணவீக்க விகிதங்கள் முறையே 8.89%, 12.56% மற்றும் 13.12% ஆக இருந்தன. ஜூலை மாதத்தில் மொத்த விலைக் குறியீட்டு பணவீக்கம் அதிகரித்ததற்கான முக்கிய காரணங்களாக கனிம எண்ணெய், உணவுப் பொருட்கள், அடிப்படை உலோகங்களின் உற்பத்தி, உணவு அல்லாத பொருட்கள், உணவுப் பொருட்களின் உற்பத்தி மற்றும் ரசாயனங்கள் மற்றும் ரசாயனப் பொருட்களின் உற்பத்தி ஆகியவற்றை அரசு குறிப்பிட்டது.

2022-23ஆம் ஆண்டை அடிப்படை ஆண்டாகக் கொண்ட திருத்தப்பட்ட WPI தொடரின் கீழ் ஜூலை மாதத் தரவு மூன்றாவது மாத மதிப்பீடாகும். இதற்கு முந்தைய அடிப்படை ஆண்டான 2011-12-க்கு மாற்றாக அரசு ஜூன் மாதத்தில் இந்த புதிய தொடரை அறிமுகப்படுத்தியது. திருத்தப்பட்ட இந்தத் தொடர் WPI தொகுப்பில் உள்ள பொருட்களின் எண்ணிக்கையை 697-லிருந்து 957-ஆக உயர்த்தியுள்ளது. மின்சாரப் பிரிவில் சூரிய சக்தி மற்றும் காற்றாலை சக்தி போன்ற புதிய எரிசக்தி மூலங்களும், அணுசக்தியும் சேர்க்கப்பட்டுள்ளன என்பது குறிப்பிடத்தக்கது.