சம்மரில் காய்கறிகளை சேமிப்பது மிகவும் சவாலான காரியமாகும். குறிப்பாக பிரிட்ஜ் இல்லையென்றால் அல்லது வேலை செய்யாமல் இருந்தால், காய்கறிகள் விரைவாக வாடி அழுகிவிடும்.

ஆனால் சில எளிய மற்றும் பயனுள்ள டிரிக்ஸ்களை பயன்படுத்தினால், காய்கறிகளை நீண்ட நேரம் பிரெஷ்ஷாக வைத்திருக்க முடியும்.

இது ஒரு பழமையான எளியத் தொழில்நுட்பமாகும். ஒரு பெரிய மண்பானைக்குள் ஒரு சிறிய மண்பானையை வைக்க வேண்டும். இரண்டுக்கும் நடுவில் உள்ள இடைவெளியில் ஈரமான மணலை நிரப்ப வேண்டும். மணலில் உள்ள நீர் ஆவியாகும்போது, உள் பானையில் உள்ள வெப்பநிலையை குறைத்து காய்கறிகளை நீண்ட நாட்கள் கெடாமல் பாதுகாக்கும்.

MIT D-Lab வெளியிட்ட தகவலின்படி, இந்த பானை முறையைப் பயன்படுத்தும்போது காய்கறிகளின் ஆயுட்காலம் 2 நாட்களில் இருந்து 20 நாட்கள் வரை அதிகரிப்பதாக குறிப்பிடப்பட்ட்டுள்ளது. வெப்பமான இடங்களில் இம்முறையை பின்பற்றுவதாகவும் தெரிவிக்கப்பட்டுள்ளது.

காய்கறிகளை பிரெஷ்ஷாகவும், புத்துணர்ச்சியாகவும் வைத்திருக்க காற்றோட்டம் மிகவும் முக்கியமாகும். உங்க வீட்டில் குளிர்ச்சியான மற்றும் நல்ல காற்றோட்டமான இடத்தில் காய்கறிகளை சேமிக்க வேண்டும். நேரடி சூரிய ஒளி படும் இடத்தில் வைக்கக்கூடாது.

அதேபோல், பிளாஸ்டிக் பையில் சேமித்து வைக்கக்கூடாது. அதற்கு பதிலாக, மூங்கில் கூடை அல்லது மெஷ் பேக்கில் சேமிக்க வேண்டும்.

கீரை, கொத்தமல்லி அல்லது வெந்தயக்கீரை போன்ற இலை வகை காய்கறிகள் கோடை வெப்பத்தில் மிக விரைவில் வாடிவிடும்.

இவற்றை ஒரு காட்டன் துணி அல்லது பேப்பர் டவலில் சுற்றி வைக்க வேண்டும். இது ஈரப்பதம் ஆவியாகாமல் தடுத்து, காய்கறிகளை நீண்ட நாட்கள் பிரெஷ்ஷாக வைக்கும்