சமைத்த உணவை அறை வெப்பநிலையில் பல மணி நேரம் வெளியில் வைத்திருந்தால், அது பார்ப்பதற்கும் வாசனைக்கும் நன்றாக இருந்தாலும் கெட்டுப்போயிருக்க வாய்ப்பு அதிகம். சமைத்த உணவை உடனே சாப்பிடுங்கள் அல்லது மீதமான உணவை உடனடியாக பிரிட்ஜில் வையுங்கள். வெளியில் எவ்வளவு நேரம் இருந்தது என்று தெரியவில்லை என்றால், அதை சாப்பிடாமல் தவிர்ப்பது நல்லது.

​USDA-ன் 'Danger Zone' வழிகாட்டுதலின்படி, சமைத்த உணவை 2 மணி நேரத்திற்கு மேல் அறை வெப்பநிலையில் வைக்கக்கூடாது. வெப்பநிலை 90 °F தாண்டும் பட்சத்தில் 1 மணி நேரத்திற்கு மேல் வெளியே இருக்கக்கூடாது என தெரிவிக்கப்பட்டுள்ளது.

வாசனை வருவதற்கு முன்பே உணவின் தன்மை மாறிவிடும். இதுதான் உணவு கெட்டுப்போனதற்கான முக்கிய அறிகுறியாகும்.
காய்கறிகள் வழுவழுப்பாக மாறுவது, சமைத்த சாதம் பிசுபிசுப்பாக இருப்பது,பழங்கள் குழைந்து போவது, அல்லது உணவில் ஒருவித ஈரப்பதம் அதிகமாக இருப்பது ஆகியவை பாக்டீரியாக்கள் வளர்வதை குறிக்கும் அறிகுறியாகும். பால் பொருட்கள் திரிந்துபோவது அல்லது கட்டியாவது, ரொட்டி ஈரப்பதமாக உணரப்படுவது ஆகிய அனைத்து இதன் அறிகுறிகள் தான்.

உங்களுடைய கண்கள் மூலம் உணவின் தரத்தை எளிதாக கண்டறிய முடியும். பழங்கள் மற்றும் காய்கறிகளில் கருப்புப் புள்ளிகள், நிறமாற்றம், வெள்ளைப் திட்டுகள், பூஞ்சை அல்லது சமைத்த உணவை சுற்றி மங்கலான நீர் கோர்த்து நிற்பது போன்ற மாற்றங்கள் தெரிந்தால் அதை சாப்பிடக்கூடாது. பூஞ்சை சிறிதளவு தெரிந்தாலும், அதன் நச்சுக்கள் உணவு முழுவதும் பரவியிருக்கலாம்.

​உலக சுகாதார நிறுவனம் (WHO) தெரிவிப்பதன்படி, சில பூஞ்சைகள் உருவாக்கும் Mycotoxins, மனிதர்களுக்கு நச்சுத்தன்மை கொண்டவை. அவை செரிமான பிரச்சினைகள் மட்டுமின்றி, நீண்டகால உடல்நல பாதிப்புகளும் ஏற்படுத்தக்கூடும்.

பழங்கள் மற்றும் காய்கறிகளை சமைப்பதற்கு முன் அல்லது சாப்பிடுவதற்கு முன் சுத்தமான ரன்னிங் நீரில் நன்றாக கழுவ வேண்டும். குறிப்பாக பச்சை இலை காய்கறிகளில் அழுக்கு, நுண்ணுயிரிகள் சேர்ந்திருக்கக்கூடும்.

உணவை எப்படி சேமிக்கிறோம் என்பதும்தான் அதன் பாதுகாப்பை தீர்மானிக்கிறது. பிரிட்ஜில் இருந்து அடிக்கடி வெளியில் எடுத்து வைக்கப்பட்ட உணவுகள், மூடாமல் வைக்கப்பட்ட உணவுகள் அல்லது சமைக்காத இறைச்சிக்கு அருகில் வைக்கப்பட்ட உணவுகள் எளிதில் கிருமி தொற்றுக்கு ஆளாகும்.

அதேபோல், சமைத்த உணவிற்கும், சமைக்காத உணவிற்கும் தனித்தனி பாத்திரங்கள் மற்றும் காய்கறி நறுக்கும் பலகைகளை பயன்படுத்துவது மாசுபாடுவதை தடுக்க செய்கிறது.

கிச்சன் சுகாதாரத்தில் கூடுதல் கவனமாக இருக்கவும். உணவை கையாளும் முன்பு கைகளை கழுவுதல், பாத்திரங்களை சுத்தமாக வைத்திருத்தல் போன்ற உணவு மாசுபடும் அபாயத்தை குறைக்ககும்.

உணவு பிரெஷ்ஷாக தெரிந்தாலும், அதை செய்ய பயன்படுத்திய தண்ணீர் அல்லது பொருட்கள் சுத்தமில்லாமல் இருக்கலாம்.
மழைக்காலத்தில் சாலையோர கடைகளில் விற்கப்படும் பானிபூரி தண்ணீர், சாலடுகள், சட்னிகள், வெட்டி வைக்கப்பட்ட பழங்கள் மற்றும் ஐஸ் கட்டிகள் சேர்க்கப்பட்ட பானங்களை தவிர்ப்பது நல்லது. எப்போதும் காய்ச்சி வடிகட்டிய சுத்தமான நீரை மட்டுமே பருக வேண்டும்.

எப்போதும் பிரெஷ்ஷாக சமைத்த உணவுகளை மட்டுமே சாப்பிட வேண்டும். முழுதானியங்கள், பருப்பு வகைகள், பருவகால பழம் - காய்கறிகள் நிறைய சாப்பிட செய்யலாம். தயிர் போன்ற புரோபயாட்டிக் உணவுகளை தினசரி உணவு முறையில் சேர்க்கவும். அதிக எண்ணெய் மற்றும் காரமான உணவுகளை குறைத்துக்கொள்ளுங்கள்.

குழந்தைகள், முதியவர்கள், கர்ப்பிணிகள் மற்றும் நோய் எதிர்ப்பு சக்தி குறைவாக உள்ளவர்களுக்கு, உணவு மூலம் பரவும் நோய்கள் கடுமையான பாதிப்பை ஏற்படுத்தும் என்பதால் கூடுதல் கவனத்துடன் இருக்க வேண்டும்