ஐபிஎல் 2026 சீசனில், முதல் 7 போட்டிகளில் தோல்வியே சந்திக்காமல் இருந்த பஞ்சாப் கிங்ஸ் அணி, தற்போது அடுத்த மூன்று போட்டிகளிலும் பெரிய தோல்விகளை சந்தித்து, பின்னடைவில் இருக்கிறது.

குறிப்பாக, பஞ்சாப் கிங்ஸ் அணி, தங்களது 10ஆவது லீக் ஓட்டியில், சன் ரைசர்ஸ் ஹைதராபாத் அணிக்கு எதிராக 33 ரன்கள் வித்தியாசத்தில் தோற்று, 10 போட்டிகளில் 13 புள்ளிகளுடன் 2ஆவது இடத்திற்கு தள்ளப்பட்டுள்ளது. இப்போட்டியில், வென்ற சன் ரைசர்ஸ் ஹைதராபாத் அணி 11 போட்டிகளில் 14 புள்ளிகளுடன் முதல் இடத்தை பிடித்துள்ளது.

பிளே ஆப் வாய்ப்பு எப்படி? சன் ரைசர்ஸ் ஹைதராபாத் அணி, 11 போட்டிகளில் 14 புள்ளிகளை பெற்றுவிட்டதால், அடுத்த போட்டிகளில் ஒரேயொரு வெற்றியைப் பெற்றாலே போதும். பஞ்சாப் கிங்ஸ் அணி, 10 போட்டிகளில் 13 புள்ளிகளுடன் இருக்கிறது. அடுத்த 4 போட்டிகளில் 2 வெற்றிகளை பெற வேண்டிய கட்டாயத்திற்கு தள்ளப்பட்டுள்ளது. முதல் 7 போட்டிகளில் தோல்விகளை சந்திக்காமல், அடுத்த 7 போட்டிகளில் முதல் மூன்று போட்டிகளில் தோற்றிருப்பதால், பஞ்சாப் கிங்ஸின் பிளே ஆப் வாய்ப்பு 50 சதவீதமாக குறைந்துள்ளது.

பஞ்சாப் கிங்ஸ், தங்களது கடைசி 4 போட்டிகளில் டெல்லி, மும்பை, ஆர்சிபி, லக்னோ சூப்பர் ஜெய்ண்ட்ஸ் ஆகிய அணிகளுக்கு எதிராக விளையாட உள்ளது. இதில், இரண்டு வெற்றிகளை பெறுவது ஓரளவுக்கு சுலபம்தான். என்ன செய்யப் போகிறார்கள் என்பதை பொறுத்திருந்து பார்ப்போம்.

ஸ்கோர் விபரம்: முதலில் களமிறங்கிய சன் ரைசர்ஸ் ஹைதராபாத் அணியில், களமிறங்கிய அனைத்து பேட்டர்களும் சிறப்பாக விளையாடினார்கள். ஓபனர்கள் அபிஷேக் சர்மா 35 (13), டிராவிஸ் ஹெட் 38 (19) ஆகியோர் அதிரடி காட்டினார்கள். பிறகு, கேப்டன் இஷான் கிஷன் 55 (32), கிளாசன் 69 (43) ஆகியோர் மிடில் ஓவர்களில் சிறப்பாக விளையாடிய நிலையில், கடைசி நேரத்தில் நிதிஷ் ரெட்டி 13 பந்தில் 29 ரன்களை எடுத்து சிறந்த பினிஷிங்கை கொடுத்தார். இதனால், சன் ரைசர்ஸ் அணி, 20 ஓவர்களில் 235/4 ரன்களை எடுத்தது.

இப்போட்டியில், இஷான் கிஷனுக்கு இரண்டு முறை கேட்சை தவறவிட்டனர். கிளாசனுக்கும் ஒரு கேட்சை தவறவிட்டனர். இந்த வாய்ப்பினை பயன்படுத்தி இருவரும் ரன்களை குவித்தனர். இதனால்தான், 234 ரன்களை எட்ட முடிந்தது.

பஞ்சாப் கிங்ஸ் இன்னிங்ஸ்: இலக்கை துரத்திக் களமிறங்கிய பஞ்சாப் கிங்ஸ் அணியில், ஓபனர்கள் பிரியன்ஸ் ஆர்யா 1 (3, பிரப்சிம்ரன் சிங் 3 (4), கேப்டன் ஷ்ரேயஸ் ஐயர் 5 (5) ஆகியோர் அடுத்தடுத்து அவுட் ஆன நிலையில், கூப்பர் கானலி 59 பந்தில் 7 பவுண்டரி, 8 சிக்ஸர்கள் உட்பட 107 ரன்களை குவித்து அசத்தினார். அடுத்து, மார்க்கஸ் ஸ்டாய்னிஸ் 28 (14), சூர்யான்ஸ் ஸ்டெஜ் 25 (17) ஆகியோரும் ஓரளவுக்கு சிறப்பாக செயல்பட்டனர். கானலி மட்டுமே சிறப்பாக செயல்பட்டதால், பஞ்சாப் இங்ஸ் அணி, 20 ஓவர்களில் 202/7 ரன்களை மட்டும் எடுத்து 33 ரன்கள் வித்தியாசத்தில் தோற்றது.

பாட் கம்மின்ஸ் 4 ஓவர்களில் 34 ரன்களை விட்டுக்கொடுத்து 2 விக்கெட்களை கைப்பற்றினார். நிதிஷ் ரெட்டியும் சிறப்பாக பந்துவீசி 2 ஓவர்களில் 11 ரன்னை மட்டும் விட்டுக்கொடுத்து ஒரு விக்கெட்டை எடுத்தார்.