தமிழகத்திற்கு புதிய முதலீடுகள்..

தமிழகத்திற்குப் புதிய தொழில் முதலீடுகளை ஈர்ப்பதற்காக, முதலமைச்சர் விஜய் முதல் முறையாக அரசுமுறைப் பயணமாக வரும் செப்டம்பர் 10-ஆம் தேதி பிரிட்டன் செல்லவுள்ளதாகத் தகவல்கள் வெளியாகியுள்ளன.

முதல்வர் விஜயின் முதல் வெளிநாட்டு பயணம்?

இதில் பங்கேற்றுத் தொழில் முதலீடுகளை ஈர்ப்பதற்காக, தொழில் துறை அமைச்சர் கீர்த்தனா மற்றும் வழிகாட்டி நிறுவன உயர் அதிகாரிகள் அடங்கிய குழுவினர் வரும் செப்டம்பர் 4-ஆம் தேதி தைவான் செல்கின்றனர்.

இதனைத் தொடர்ந்து, முதலமைச்சர் விஜய் தலைமையில் தொழில் துறை உயர் அதிகாரிகள் அடங்கிய குழுவினர் வரும் செப்டம்பர் 10-ஆம் தேதி பிரிட்டன் பயணமாகின்றனர்.

செப்.10-ல் பிரிட்டன் செல்ல உள்ளதாக தகவல்

செப்டம்பர் 16-ஆம் தேதி வரை அங்கு சுற்றுப்பயணம் மேற்கொள்ளும் இக்குழுவினர், பல்வேறு முன்னணி தொழில் நிறுவனங்களின் முதலீட்டாளர்களை நேரில் சந்தித்துத் தமிழகத்தில் முதலீடு செய்ய அழைப்பு விடுக்கவுள்ளனர்.

தென் மாநிலங்களுக்கு இடையே தொழில் முதலீடுகளை ஈர்ப்பதில் கடும் போட்டி நிலவி வரும் சூழலில், தமிழக அரசு இத்தகைய வெளிநாட்டு பயணங்கள் மூலம் தொழில் முதலீட்டுக்கான பணிகளைத் தீவிரப்படுத்தியுள்ளது.

முன்னதாக, கடந்த மே மாதம் தொழில் துறை அமைச்சர் கீர்த்தனா தென்கொரியா சென்று கப்பல் கட்டும் நிறுவனங்களின் முதலீட்டாளர்களைச் சந்தித்துப் பேசியது குறிப்பிடத்தக்கது.

தவெக 100 நாள் ஆட்சியில் ஒரு லட்சம் கோடி முதலீடு ஈர்ப்பு

தவெக அரசு ஆட்சிப் பொறுப்பேற்ற 100 நாட்களுக்குள் பிரம்மாண்ட முதலீட்டாளர்கள் மாநாட்டை நடத்தி, பெருமளவிலான தொழில் முதலீடுகளை ஈர்த்து சாதனை படைத்துள்ளது.

சென்னையில் நடைபெற்ற 'வெற்றி தமிழ்நாடு முதலீட்டாளர்கள் மாநாட்டில்', முதலமைச்சர் ஜோசப் விஜய் முன்னிலையில் 97 புரிந்துணர்வு ஒப்பந்தங்கள் கையெழுத்தாகின. இதன் மூலம் ₹67,452 கோடி மதிப்பிலான முதலீடுகளும், 1,06,998 பேருக்கு புதிய வேலைவாய்ப்புகளும் உறுதி செய்யப்பட்டுள்ளன.

தொழில், முதலீட்டு ஊக்குவிப்பு மற்றும் வர்த்தகத் துறை சார்பில் மேற்கொள்ளப்பட்ட இந்த ஒப்பந்தங்கள் மட்டுமின்றி, தவெக அரசு அமைந்த இந்த குறுகிய 100 நாட்களில் ஒட்டுமொத்தமாக ₹1,02,514 கோடி (1 லட்சம் கோடிக்கும் மேல்) முதலீடுகள் ஈர்க்கப்பட்டுள்ளன.

இதன் மூலம் தமிழகத்தில் மொத்தம் 1,21,788 பேருக்கு புதிய வேலைவாய்ப்புகள் உறுதியளிக்கப்பட்டு, முதலமைச்சர் விஜய் தலைமையிலான அரசு விரைவான தொழில் வளர்ச்சியை எட்டியுள்ளது.

1.21 லட்சம் பேருக்கு வேலைவாய்ப்பு: முதலீடுகளை ஈர்த்து தமிழக அரசு சாதனை

முதலீட்டு ஊக்குவிப்பு மற்றும் வர்த்தகத் துறை சார்பில் ₹67,452 கோடி மதிப்பிலான முதலீடுகளை ஈர்க்கும் வகையில் 97 புரிந்துணர்வு ஒப்பந்தங்கள் கையெழுத்தாகியுள்ளன. இதன் மூலம் 1,06,998 நபர்களுக்கு நேரடியாக வேலைவாய்ப்பு உறுதி செய்யப்பட்டுள்ளது.

ஆட்சிப் பொறுப்பேற்ற 100 நாட்களுக்குள்ளேயே ₹1,02,514 கோடிக்கு மேலான பிரம்மாண்ட முதலீடுகளை ஈர்த்து சாதனை படைக்கப்பட்டுள்ளது. ஒட்டுமொத்தமாக இந்த முதலீடுகளின் வாயிலாக 1,21,788 நபர்களுக்குப் புதிய வேலைவாய்ப்புகள் உறுதியளிக்கப்பட்டுள்ளது குறிப்பிடத்தக்கது