வெற்றி பெற்றது. ஆனால் தமிழகத்தில் ஆட்சி அமைக்க 118 இடங்கள் தேவை. இதனால் பெரும்பான்மையை நிரூபிக்க ஆளுநரிடம் கட்சியின் தலைவர் விஜய் அவகாசம் கேட்டிருந்தார்.
இதற்கிடையில் காங்கிரஸ் உள்ளிட்ட சில கட்சிகளுக்கு தமிழக வெற்றி கழகம் ஆதரவு கோரி கடிதம் அனுப்பி இருக்கிறது.
இந்த சூழலில் தான் தமிழக வெற்றி கழகத்தின் கோரிக்கை கடிதத்தை ஏற்று அதிகாரப்பூர்வமான அறிவிப்பை காங்கிரஸ் வெளியிட்டு இருக்கிறது. இதன் மூலம் திமுகவுடன் தொடர்ந்து வந்த பத்தாண்டு கூட்டணி முடிவுக்கு வந்திருக்கிறது.
நிபந்தனைகள்
- மேலும் பாஜக உள்ளிட்ட வகுப்பு வாத கட்சிகளுடன் கூட்டணி வைக்கக் கூடாது.
- காங்கிரஸ் கட்சிக்கு உரிய மரியாதையை மற்றும் அதிகார பகிர்வு உள்ளிட்டவற்றை முழுமையாக வழங்க வேண்டும்.
- உள்ளாட்சி தேர்தலில் கூட்டணி
ஆகிய முக்கிய நிபந்தனைகளை காங்கிரஸ் வைத்து தமிழக வெற்றி கழகத்துடன் கூட்டணி வைக்கிறது இது தமிழக அரசியல் சூழலில் மிக முக்கிய மற்றும் கவனிக்கத்தக்க மாற்றங்களில் ஒன்றாகும்.
காங்கிரஸ் ஆதரவு!
இந்த சூழலில்தான் விஜய்க்கு ஆதரவு அழைப்பதாக குறிப்பிட்டு, காங்கிரஸ் வெளியிட்டுள்ள அதிகார்பூர்வ அறிக்கையில்
"தமிழக வெற்றி கழகத்தின் (TVK) தலைவர் திரு சி. விஜய், தமிழகத்தில் ஆட்சி அமைப்பதற்கு ஆதரவளிக்குமாறு இந்திய தேசிய காங்கிரஸிடம் (INC) முறைப்படி கோரிக்கை விடுத்துள்ளார்.
அரசியலமைப்பு கடமை
தொடர்ந்து இந்த அறிக்கையில், தமிழக மக்கள், குறிப்பாக இளைஞர்கள், அரசியலமைப்பு கோட்பாடுகளை நம்பும் ஒரு மதச்சார்பற்ற, முற்போக்கான மற்றும் நலன்புரி அரசாங்கத்திற்கு மிகவும் தெளிவான, வலுவான மற்றும் பெருவாரியான தீர்ப்பை வழங்கியுள்ளனர்.
அடுத்த அரசாங்கத்தை அமைப்பதற்காக, திரு. விஜய் தலைமையிலான தமிழக வெற்றி கழகத்தை (TVK) அவர்கள் தேர்ந்தெடுத்துள்ளனர்.இந்திய தேசிய காங்கிரஸ், இந்தியாவில் மதச்சார்பற்ற, முற்போக்கு மற்றும் நலன் சார்ந்த அரசியலுக்காக நிற்கிறது" என குறிப்பிட்டுள்ளது.
அதுவே அதனை நிறுவிய அரசியல் கட்சியும் ஆகும். தமிழக மக்களின் இந்த ஆணையை மதிப்பதும், நிலைநிறுத்துவதும், நிறைவேற்ற உதவுவதும் நமது அரசியலமைப்பு கடமையாகும்.
அதன்படி, தமிழக காங்கிரஸ் கமிட்டியும், காங்கிரஸ் சட்டமன்றக் கட்சியும் (CLP), திவ்ய கே.
டிவிகே மற்றும் தமிழ்நாடு காங்கிரஸ் இடையேயான இந்தக் கூட்டணி, தந்தை பெரியாரின் சமூக நீதிக் கொள்கைகள் மற்றும் டாக்டர் பி.ஆர்.அம்பேத்கரின் அரசியலமைப்பு இலட்சியங்களுக்கு வலுவான அர்ப்பணிப்புடன், வரும் ஆண்டுகளில் மற்றும் பத்தாண்டுகளில் பெருந்தலைவர் காமராஜரின் தமிழ்நாட்டின் பொற்காலத்தை மீட்டெடுக்க பாடுபடும் என குறிப்பிடப்பட்டுள்ளது.
நிபந்தனை!
இரு கட்சிகளுக்கும் இடையே பரஸ்பர மரியாதை, உரிய பங்கு மற்றும் பகிரப்பட்ட பொறுப்பு ஆகியவற்றின் அடிப்படையில் அமைக்கப்பட்ட இந்தக் கூட்டணி, தற்போதைய அரசாங்கத்தை அமைப்பதற்கு மட்டுமல்லாமல், உள்ளாட்சி அமைப்புகள், மக்களவை மற்றும் மாநிலங்களவைக்கான எதிர்காலத் தேர்தல்களுக்கும் அவசியமானது.
திரு. விஜய் மற்றும் திரு. ராகுல் காந்தி ஆகியோர், மதச்சார்பற்ற மற்றும் முற்போக்கான அரசாங்கத்திற்கான தமிழக மக்களின் இந்த வரலாற்றுச் சிறப்புமிக்க தீர்ப்பை மதிப்போம் என்றும், மக்களின் - குறிப்பாக தமிழக இளைஞர்களின் - கனவுகளையும் வாக்குறுதிகளையும் நிறைவேற்றுவோம் என்றும் கூட்டாக உறுதிமொழி எடுக்கின்றனர்.