ஸ்வாதி, சந்தோஷ்: சுப்ரமணியுபரம் படம் மூலம் கோலிவுட்டில் பிரபலமானதால் ஸ்வாதி ரெட்டியை சுப்ரிமணியபுரம் ஸ்வாதி என்று தான் தமிழ் சினிமா ரசிகர்கள் அழைத்து வருகிறார்கள்.

விகாஸுடன் விவாகரத்து: இது ஸ்வாதியின் இரண்டாவது திருமணமாகும். முன்னதாக விமானி விகாஸ் வாசுவை காதலித்து 2018ம் ஆண்டு மணந்தார். 2023ம் ஆண்டு விகாஸுக்கும், ஸ்வாதிக்கும் விவாகரத்தோ என ரசிகர்கள் பேச ஆரம்பித்தார்கள். தன் திருமண புகைப்படங்களை இன்ஸ்டாகிராமில் இருந்து நீக்கிய ஸ்வாதி, விவாகரத்து குறித்து எதுவும் தெரிவிக்காமல் அமைதியாக இருந்து வந்தார். இந்நிலையில் தன்னை வைத்து மன்த் ஆஃப் மது படத்தை இயக்கிய சந்தோஷை திருமணம் செய்திருக்கிறார்.

நாய் பேச்சு: திருமணம் குறித்து ஸ்வாதி ரெட்டி தெரிவித்த கருத்து அண்மையில் வைரலாகி அவரை பலரும் சமூக வலைதளங்களில் கடுமையாக விமர்சித்தார்கள். விகாஸ் வாசுவை மணப்பதற்கு முன்பு ஸ்வாதி தெரிவித்த கருத்து தற்போது மீண்டும் விவாதப் பொருளானது. திருமணம் குறித்து ஸ்வாதி அப்பொழுது தெரிவித்தாவது, இந்த காலத்தில் ஒருத்தரை நம்பி திருமணம் செய்து கொண்டு வாழ்வது ரொம்ப கஷ்டம். ஒருவருக்கும் பொறுமை கிடையாது. அதனால் தான் திருமணம் செய்து நிம்மதி இழந்து வாழ்வதற்கு பதிலாக எப்பொழுதும் உண்மையாக இருக்கும் நாயை வளர்க்கலாம் என்றார்.

பணம் இருக்கும் தைரியத்தில் இப்படி எல்லாம் பேசுகிறார். இந்த ஸ்வாதி விரைவில் மறுமணம் செய்வார் என்றார்கள் சமூக வலைதளவாசிகள். இந்நிலையில் ஸ்வாதி, சந்தோஷின் திருமண புகைப்படங்களை பார்த்தவர்களோ, ஒரு முறை திருமணம் செய்து கொண்டாலே நிம்மதி போய்விடும் என்றவர் இரண்டாவது திருமணம் செய்திருகிறார். இனியாவது யோசித்து பேசுங்கள் ஸ்வாதி. திருமணம் ஒன்றும் மோசம் இல்லை. அதனால் தானே மீண்டும் திருமண பந்தத்தில் சேர்ந்திருக்கிறீர்கள் என்றார்கள்.

சந்தோஷ் யார்?: 2020ம் ஆண்டு வெளியான பானுமதி அன்ட் ராமகிருஷ்ணா படம் மூலம் இயக்குநர் ஆனவர் சந்தோஷ் நகோத்தி. இதையடுத்து ஸ்வாதியை வைத்து மன்த் ஆஃப் மது படத்தை இயக்கி, தயாரித்து 2023ம் ஆண்டு ரிலீஸ் செய்தார் என்பது குறிப்பிடத்தக்கது.
ஒரு இயக்குநர் தன் பட நடிகையை காதலித்து திருமணம் செய்து கொள்வது ஒன்றும் திரையுலகம் பார்த்திராத விஷயம் இல்லை. அதனால் இந்த ஜோடி கடைசி வரை ஒற்றுமையாக வாழட்டும் என வாழ்த்துகிறார்கள் டோலிவுட் ரசிகர்கள்.