இவ்வளவு நாட்கள் கூட்டணியில் இருந்து விட்டு தற்போது அமைச்சரானதும் திமுக குறித்து இப்படிப்பட்ட கருத்துக்களை தெரிவித்து வருவது முறையல்ல என வன்னி அரசுவின் பேச்சு குறித்து சமூக வலைத்தளங்களில் திமுகவினர் தொடர்ச்சியாக பதிவுகளை பகிர்ந்து கொண்டிருக்கின்றனர்.

வன்னி அரசு விமர்சனம்

இந்நிலையில் இன்றைய தினம் அமைச்சர் வன்னி அரசு முன்வைத்த விமர்சனத்திற்கு எதிர்க்கட்சி தலைர் உதயநிதி ஸ்டாலின் உடனடியாக பதில் அளித்துள்ளது கவனம் பெற்று கொண்டிருக்கிறது. அதாவது, அமைச்சர் வன்னி அரசு பேசும் போது எங்களுக்காக தேர்தலில் வேலை செய்த திமுகவிற்கு நாங்கள் தொடர்ந்து எங்களுடைய நன்றியை சொல்லிக் கொண்டே தான் இருக்கிறோம்.

திருமாவளவனுக்கு நன்றி சொல்லவில்லை

ஆனால் அந்த பகுதியில் (எதிரில்) அமர்ந்து இருப்பவர்கள் யாரும் எங்களுடைய தலைவர் திருமாவளவன் அவர்களுக்கு நன்றி சொன்னதாக தெரியவில்லை என்ற விமர்சனத்தை முன்வைத்தார். இதனையடுத்து எதிர்க்கட்சி தலைவர் உதயநிதி ஸ்டாலின் பேசுகையில், திருமாவளவன் அவர்களுக்கு நாங்கள் நன்றி சொல்லவில்லை என்றார். நான் அவரிடம் சொல்லி கொள்வது, எங்களுடைய தலைவருக்கும் எழுச்சி தமிழர் அண்ணன் திருமாவளவனுக்கும் இடையில் இருந்தது ஏதோ தேர்தல் கூட்டணி கிடையாது.

உதயநிதியின் எதிர்பாராத பதில்

தேர்தலுக்கு முன்பாக ஒரு கூட்டணியாகவும், அதற்கு பின்பு ஒரு கூட்டணியாகவும் மாறுவது கிடையாது. அது ஒரு கொள்கை கூட்டணி. நான் இன்னும் பல முறை பெருமையாக சொல்லி இருக்கிறேன் என்னுடைய அரசியல் ஆசான்களில் ஒருவராக திருமாவளவனை ஏற்றுக்கொள்கிறோம் என்று. எனவே அவருக்கு என்றைக்குமே எங்களுடைய நன்றியை தெரிவித்துக் கொள்கிறோம் என அமைச்சர் வன்னி அரசு விமர்சனத்திற்கு பதில் அளித்தார்.

அமைச்சரவையில் இடம்