முடி ஆரோக்கியத்தை மேம்படுத்தும் பாதாம் எண்ணெய், UV சேதத்திலிருந்து பாதுகாப்பதோடு முடி உடைதலை குறைக்க உதவுகிறது.

இதை எப்படி சரியாக பயன்படுத்துவது மற்றும் தவிர்க்க வேண்டிய தவறுகள் என்ன என்பதை இங்கு பார்க்கலாம்

​International Journal of Trichology இதழில் வெளியான ஆய்வறிக்கைபடி, பாதாம் எண்ணெயில் உள்ள கொழுப்பு அமிலங்கள், கூந்தலை சூரியனின் புற ஊதா கதிர்வீச்சு தாக்குதலில் இருந்து பாதுகாக்க செய்கிறது.

மேலும், Emollient ஆக செயல்பட்டு, கூந்தலை மென்மையாக்குவதோடு வறண்ட கூந்தலை ஈரப்பதமாக்கிறது. இத்துடன் நெகிழ்வுத்தன்மையை அதிகரித்து முடி உடைவதை குறைக்கிறது என குறிப்பிடப்பட்டுள்ளது.

பாதாம் எண்ணெய் நேரடியாக முடி வளர்ச்சியை அதிகரிக்கும் என்பதற்கு வலுவான ஆதாரங்கள் இல்லை. ஆனால், முடி உடைவதை தடுத்து, ஆரோக்கியமாக வைப்பதன் மூலம் முடி நீளமாக வளர உதவுகிறது.

நேரடி உச்சந்தலை மசாஜ்

1 முதல் 2 டீஸ்பூன் பாதாம் எண்ணெயை லேசாக சூடாக்கிகொள்ள வேண்டும். அதனை உச்சந்தலை மற்றும் தலையில் நேரடியாக தேய்க்கவும். குறிப்பாக நுனி பகுதிகளில் தேய்க்க வேண்டும்.

பிறகு 5 முதல் 10 நிமிடங்கள் மென்மையாக மசாஜ் செயய் வேண்டும். குறைந்தது 1 மணி நேரம் அல்லது இரவு முழுவதும் அப்படியே விட்டுவிட வேண்டும். இறுதியாக, மைல்டு ஷாம்பு கொண்டு கழுவ செய்யலாம்

ஹேர் சீரம்

உள்ளங்கையில் 2-3 சொட்டுகள் மட்டும் பாதாம் எண்ணெயை எடுத்துக்கொள்ளவும். எண்ணெய் கைகளில் சீராக பரவும்படி இரண்டு உள்ளங்கைகளும் தேய்க்கவும்.

இப்போது முடியின் நுனிப்பகுதிகளில் மட்டும் தடவவும். முடிக்கு பளபளப்பை அளித்து சிக்கு முடி ஏற்படுவதை தடுக்கும்.

வாராந்திர ஹேர் மாஸ்க்

வாரத்திற்கு ஒரு முறை பாதாம் எண்ணெயுடன் சிறிது தேங்காய் எண்ணெய் சேர்த்து, உச்சந்தலை மற்றும் முடியில் பயன்படுத்த வேண்டும். சுமார் 1 மணி நேரத்திற்கு பிறகு வாஷ் செய்யவும். கூந்தலுக்கு அதிக பலன்களை தரக்கூடும்.

• அளவுக்கு அதிகமாக எண்ணெய் வைப்பதை தவிர்க்க வேண்டும். அதிக எண்ணெய் தூசியை ஈர்ப்பதோடு துளைகளை அடைக்கும்.
• பல நாட்கள் எண்ணெயை கழுவாமல் அப்படியே தலையில் வைத்தால், அழுக்கு படிந்து பொடுகு தொல்லை ஏற்படும்.
• எண்ணெய் தேய்த்த பிறகு ஷாம்பு போடாமல் இருப்பது தவறாகும். முடி கனமாக தோன்றுவதோடு தலை ஆரோக்கியம் பாதிக்கப்படும்.
• அழுக்கான கூந்தலில் எண்ணெய் வைப்பது மற்றொரு தவறாகும். ஓரளவு சுத்தமான கூந்தலில் தான் எண்ணெய் நன்றாக உறிஞ்சக்கூடும்.