சினிமா கலைஞர் விஜய்: கட்சி துவங்கிய இரண்டு ஆண்டுகளில் அதுவும் முதல் முறையாக தேர்தலில் போட்டியிட்டு இப்படி ஆளும் கட்சியையே பின்னுக்குத் தள்ளிவிட்டாரே நடிகர் விஜய் என்பதே அனைவரும் வியந்து பேசும் விஷயம் ஆகும்.

விஜய்யின் நடிப்புக்கு, டான்ஸுக்கு சிறுவர், சிறுமியர் தான் அதிக அளவில் ஃபேன்ஸாக உள்ளனர் என்று கிடையாது. அவருக்கு பெரியவர்கள் முதல் சிறியவர்கள் வரை அனைத்து வயதினரும் ரசிகர்கள், ரசிகைகளாக உள்ளனர்.

தேர்தல் பிரச்சாரத்தின்போது இந்த விஜய் மாமாவுக்கு ஓட்டு போடுமாறு உங்கப்பா, அம்மா, மாமா, சித்தப்பா, சித்தியிடம் அடம்பிடிக்குமாறு குட்டீஸ்களை கேட்டுக் கொண்டார் விஜய். அது சர்ச்சையானது தனிக்கதை. இந்நிலையில் இரண்டு நாட்களாக எக்ஸ் தளத்தில் ஒரு வீடியோவை பலரும் ஷேர் செய்கிறார்கள். அது அரசியல்வாதி விஜய் பற்றி அல்ல நடிகர் விஜய் பற்றியது ஆகும்.

பாட்டீஸ் வீடியோ: விஜய்க்கும், அவரின் கட்சியினருக்கும் அதிக அளவில் ஓட்டு கிடைக்க வாண்டுகள் தான் காரணம் என்று மக்கள் பேசுகிறார்கள். ஆனால் பாட்டிமாக்கள் தான் காரணம் என ஒரு வீடியோ ஷேர் செய்யப்படுகிறது. இந்த மூதாட்டிகள் தான் விஜய்யை ஜெயிக்க வைத்தார்கள் என்று சிலரும், திமுகவை தோற்கடித்தவர்களே இந்த பாட்டிகள் தான் என்று சிலரும் தெரிவித்துள்ளனர். யாருக்கு ஓட்டு போட்டீங்க என்று சில பாட்டிகளிடம் கேட்டபோது ஒருவரோ விசில் என்று கூட சொல்லத் தெரியாமல் சிவிலு சிவிலுக்கு போட்டேன் என்றார். இன்னொரு பாட்டியோ, நான் விஜய்க்கு உசுலு சின்னத்தில் ஓட்டு போட்டேன் என கூறியிருக்கிறார். பிகிலுக்கு போட்டேன் என ஒரு பாட்டியும், விசய்க்கு ஓட்டு போட்டிருக்கிறேன் என பல் கூட இல்லாத பாட்டி விசில் அடித்துக் காட்டியதும் தான் வைரலாகியிருக்கிறது.