ஸ்டெர்லைட் ஆலையை திறக்க தேசிய பசுமை தீர்ப்பாயம் உத்தரவிட்டதன் மூலம் கார்ப்பரேட் ஆதிக்கம் வென்றிருக்கிறது என பாமக இளைஞரணித் தலைவர் அன்புமணி ராமதாஸ் விமர்சனம் செய்துள்ளார்.

ஸ்டெர்லைட் ஆலையை 3 வாரத்திற்குள் திறக்க தேசியபசுமை தீர்ப்பாயம் இன்று உத்தரவிட்டுள்ளது. இது தூத்துக்குடி மக்கள் மத்தியில் அதிர்ச்சியை ஏற்படுத்தியுள்ளது. இதற்கு பல்வேறு அரசியல் தலைவர்களும் கண்டனம் தெரிவித்து வருகின்றனர்.

அதே நேரத்தில் தமிழக அரசு சார்பில் தேசிய பசுமை தீர்ப்பாய உத்தரவை எதிர்த்து மேல்முறையீடு செய்யப்படும் என அறிவிக்கப்பட்டுள்ளது.

இந்நிலையில், இதுகுறித்து அன்புமணி ராமதாஸ் இன்று வெளியிட்டுள்ள கண்டன அறிக்கையில், "தூத்துக்குடி பகுதியில் சுற்றுச்சூழலுக்கு சரி செய்ய முடியாத அளவுக்கு பாதிப்பை ஏற்படுத்தி வந்த ஸ்டெர்லைட் ஆலையை மூடி தமிழக அரசு பிறப்பித்த ஆணை செல்லாது; அடுத்த 3 வாரங்களுக்குள் ஆலையை திறக்க தமிழக அரசு அனுமதிக்க வேண்டும் என்றும் தேசிய பசுமைத் தீர்ப்பாயம் தீர்ப்பு வழங்கியுள்ளது.