அப்போது நாட்டின் தற்சார்பு உற்பத்தி குறித்துப் பேசிய அவர், எல்.பி.ஜி (LPG) சிலிண்டர் உற்பத்தியில் இந்தியா அடைந்துள்ள அபார வளர்ச்சியைப் பட்டியலிட்டார்.

​தற்போது இந்தியா தனது தேவைக்கான எல்.பி.ஜி எரிவாயுவில் சுமார் 60%-ஐ வெளிநாடுகளில் இருந்துதான் இறக்குமதி செய்து வருகிறது. இதற்கு முற்றுப்புள்ளி வைக்கும் நோக்கில் உள்நாட்டு உற்பத்தி தீவிரப்படுத்தப்பட்டுள்ளது. முன்னதாக இந்தியா சராசரியாக 35,000 மெட்ரிக் டன் மட்டுமே எல்.பி.ஜி-யை உற்பத்தி செய்து வந்த நிலையில், தற்போது ஏற்பட்டுள்ள உலகளாவிய நெருக்கடி காலத்திலும் சவால்களை முறியடித்து, உள்நாட்டு உற்பத்தியை 54,000 மெட்ரிக் டன் ஆக அதிரடியாக உயர்த்தியுள்ளது என்று பிரதமர் மோடி பெருமிதத்துடன் குறிப்பிட்டார்.

​ராஜஸ்தானின் பாச்பத்ராவில் அமைக்கப்பட்டுள்ள இந்தியாவின் முதல் அதிநவீன ஒருங்கிணைந்த 'கீரின்ஃபீல்டு சுத்திகரிப்பு மற்றும் பெட்ரோகெமிக்கல் வளாகத்தை' (Greenfield Integrated Refinery-cum-Petrochemical Complex) நாட்டிற்கு அர்ப்பணித்த பின் இந்த அதிரடி அறிவிப்பை பிரதமர் வெளியிட்டார். இந்த புதிய ஆலை மூலம் இந்தியாவின் எரிசக்தி தட்டுப்பாடு நீங்குவதோடு, வெளிநாடுகளைச் சார்ந்திருக்கும் நிலையும் பெருமளவு குறையும் என எதிர்பார்க்கப்படுகிறது.