தோலுக்கு அடியில் இருக்கும் கொழுப்பை விட, வயிற்றுப் பகுதியில் உள்ள உறுப்புகளைச் சுற்றி இருக்கும் 'விசரல் ஃபேட்' (Visceral Fat) எனப்படும் கொழுப்பு மிகவும் ஆபத்தானது.

இது இதய வால்வுகளில் அடைப்பு, இரத்த அழுத்தம் மற்றும் டைப்-2 சர்க்கரை நோய் உருவாக முக்கியக் காரணமாகிறது. மேலும், ஆண்களின் உடலில் டெஸ்டோஸ்டிரோன் ஹார்மோன் அளவைக் குறைத்து, சோர்வு மற்றும் தசை வலிமை இழப்பையும் இது ஏற்படுத்துகிறது.

ஒரே மாதத்தில் தொப்பையை முழுமையாகக் குறைக்க முடியாது என்றாலும், முறையான உணவுப் பழக்கம் மற்றும் உடற்பயிற்சி மூலம் அதன் அளவை நிச்சயம் குறைக்க முடியும்.

காலையில் முட்டை, பயறு போன்ற புரதச்சத்து நிறைந்த உணவுகளைச் சாப்பிடுவது, இரவு தாமதமாகச் சாப்பிடுவதைத் தவிர்ப்பது மற்றும் போதிய அளவு தண்ணீர் குடிப்பது ஆகியவை நல்ல மாற்றத்தைத் தரும்.

வெறும் 'க்ரஞ்சஸ்' (Crunches) பயிற்சிகள் மட்டுமே தொப்பையைக் குறைத்துவிடாது; முறையான நடைப்பயிற்சி மற்றும் ஒட்டுமொத்த உடல் உழைப்பு மட்டுமே பலன் தரும்.

தொப்பை குறையும்போது உங்களின் தூக்கம் மற்றும் சுறுசுறுப்பு மேம்படுவதை நீங்களே உணர முடியும். ஆரம்பத்திலேயே இதைக் கவனிப்பது எதிர்கால ஆரோக்கியத்திற்கு மிகவும் அவசியம்.