அந்த வீட்டின் முதல் மாடி பால்கனியில் பாதுகாப்பு ரெயிலிங் (சுவர்) எதுவும் இல்லாத காரணத்தால், அங்கு நின்றுகொண்டிருந்த அம்மாவும் மகளும் எதிர்பாராத விதமாக கால் தவறி திடீரென கீழே விழுந்துள்ளனர். சிசிடிவி காட்சியில் முதலில் அந்த மகளும், அவளைத் தொடர்ந்து அடுத்த நொடியே அவளது தாயும் மேலிருந்து பொத்தென்று கீழே விழும் கொடூரமான காட்சி பார்ப்போரின் நெஞ்சை உலுக்கியெடுத்துள்ளது.

​ஆனால், அந்த விபத்தில் நடந்த ஒரு அதிசயமான விஷயம் என்னவென்றால், அவ்வளவு உயரத்தில் இருந்து விழுந்த பிறகும், அந்த மகள் விழுந்த வேகத்திலேயே சுதாரித்து எழுந்து நின்று, கீழே விழுந்து மயக்கமடைந்து கிடந்த தன் தாயை நோக்கி ஓடிச் சென்று, "அம்மா.. எந்திரிம்மா, என்னாச்சு உனக்கு?.." என்று கதறியபடி அவளை எழுப்ப முயன்று உதவியது பார்ப்போரைக் கண் கலங்க வைத்துள்ளது.