தமிழக அரசியலில் மிகப்பெரிய திருப்புமுனையாக, பாஜக மாநிலத் தலைவர் அண்ணாமலைக்கு ராஜ்யசபா எம்பி பதவி வழங்கப்படுவதை மத்திய அமைச்சர் எல்.முருகன் உறுதிப்படுத்தியுள்ளார்.

ஆந்திர மாநிலத்தில் காலியாக உள்ள 4 ராஜ்யசபா இடங்களுக்கு நடைபெறவுள்ள தேர்தலில், ஒரு இடத்தை அண்ணாமலைக்கு வழங்க பாஜக தலைமை திட்டமிட்டுள்ளதை அவர் மறைமுகமாகச் சுட்டிக்காட்டியுள்ளார். இதன் மூலம் அண்ணாமலை டெல்லிக்குச் செல்வது கிட்டத்தட்ட உறுதியாகியுள்ள நிலையில், மக்களவைத் தேர்தல் முடிவுகளுக்குப் பிறகு அமையவுள்ள புதிய மத்திய அமைச்சரவையில் அவருக்கு முக்கியப் பொறுப்பு வழங்கப்பட அதிக வாய்ப்புள்ளதாக அரசியல் வட்டாரங்கள் தெரிவிக்கின்றன.

தமிழக பாஜகவில் அண்ணாமலையின் அதிரடி அரசியலுக்குக் கிடைத்த அங்கீகாரமாக இது பார்க்கப்படுவதால், அக்கட்சித் தொண்டர்கள் மிகுந்த உற்சாகத்தில் உள்ளனர்.