இன்றைய அவசர உலகில் ஒரு நொடி கவனக்குறைவு கூட மிகப்பெரிய ஆபத்தை விளைவிக்கும் என்பதற்கு இந்தச் சம்பவமே சாட்சி.

சமூக வலைதளங்களில் தற்போது காட்டுத்தீயாகப் பரவி வரும் ஒரு வீடியோ காண்போரை உறைய வைத்துள்ளது.

ஒரு இளைஞர் மொட்டை மாடியின் ஓரத்தில் அமர்ந்து தண்ணீர் குடிக்க முயன்றபோது நடந்த அந்த விபத்து, 'பாதுகாப்பு எவ்வளவு முக்கியம்' என்பதை மீண்டும் உரக்கச் சொல்லியிருக்கிறது.

வைரல் வீடியோவில், ஒரு இளைஞர் தண்ணீர் பாட்டிலுடன் மொட்டை மாடியின் விளிம்பிற்கு வருகிறார். அங்குள்ள தடுப்புச் சுவர் மிகவும் உயரமாக இல்லாத நிலையில், அதன் மீது அமர்ந்து நிதானமாகத் தண்ணீர் குடிக்க அவர் முயற்சிக்கிறார்.

ஆனால், அமரும்போது தடுப்புச் சுவரின் அளவைச் சரியாகக் கணிக்கத் தவறியதால், எதிர்பாராத விதமாகத் தடுமாறி மாடியிலிருந்து அப்படியே பின்னோக்கித் தலைகீழாகக் கீழே விழுகிறார்.