இதன்படி, ஆரோக்யா பால் அரை லிட்டருக்கு 2 ரூபாயும், ஒரு லிட்டருக்கு 3 ரூபாயும் உயர்த்தப்பட்டுள்ளது. கோடை மழை பொய்த்ததால் மாநிலம் முழுவதும் பால் உற்பத்தி கடுமையாகச் சரிந்துள்ளதும், கறவை மாடுகளுக்கான தீவனங்களின் விலை உயர்வுமே இந்தத் திடீர் விலை உயர்வுக்கு முக்கியக் காரணமாகக் கூறப்படுகிறது.

​பால் விலையைத் தொடர்ந்து, பொதுமக்களின் அத்தியாவசியத் தேவைகளில் ஒன்றான தயிர் விலையையும் ஹட்சன் நிறுவனம் உயர்த்தியுள்ளது. ஆரோக்யா மற்றும் ஹட்சன் தயிர் அரை லிட்டருக்கு 2 ரூபாயும், ஒரு லிட்டருக்கு 3 ரூபாயும் அதிகரிக்கப்பட்டுள்ளது. இந்தத் தொடர் விலை உயர்வு நடுத்தர மற்றும் ஏழை எளிய குடும்பங்களின் மாதாந்திர பட்ஜெட்டில் கூடுதல் சுமையை ஏற்படுத்தியுள்ளதால் பொதுமக்கள் கவலை அடைந்துள்ளனர்.