தெற்கு ஈரானில் உள்ள ஏவுகணைத் தளங்களையும், ஹோர்முஸ் ஜலசந்தியில் இருந்த படகுகளையும் குறிவைத்து இந்தத் தாக்குதல் நடத்தப்பட்டதாக அமெரிக்கா தெரிவித்துள்ளது.

இதற்கு கடும் கண்டனம் தெரிவித்துள்ள ஈரான் வெளியுறவுத்துறை அமைச்சகம், அமெரிக்காவின் இந்த நடவடிக்கை சண்டை நிறுத்த உடன்படிக்கைக்கு எதிரான நம்பிக்கைத் துரோகம் என்றும், இதற்குப் பொருத்தமான பதிலடி கொடுக்கப்படும் என்றும் எச்சரித்துள்ளது.

மேலும், தங்களின் வான்வெளிக்குள் நுழைந்த அமெரிக்காவின் எம்.க்யூ-9 டிரோன் ஒன்றைச் சுட்டு வீழ்த்தியுள்ளதாக ஈரான் புரட்சிகர காவல்படை பகிரங்கமாக அறிவித்துள்ளது.
மறுபுறம், ஈரானின் தற்காலிக சண்டை நிறுத்த நிபந்தனைகளையும் மீறி, லெபனானில் உள்ள ஹிஸ்புல்லா இயக்கத்தினரைக் குறிவைத்து இஸ்ரேல் தனது தாக்குதலைத் தீவிரப்படுத்தியுள்ளது.

தெற்கு லெபனான் மற்றும் பெக்கா பள்ளத்தாக்குப் பகுதிகளில் உள்ள 100-க்கும் மேற்பட்ட தளங்கள் மீது இஸ்ரேல் ராணுவம் நடத்திய கொடூரத் தாக்குதலில், 4 குழந்தைகள் மற்றும் 3 பெண்கள் உட்பட 31 பேர் பரிதாபமாகப் பலியாகியுள்ளனர்.

இருதரப்பிலும் அமைதிப் பேச்சுவார்த்தை நடந்து வந்த சூழலில், அமெரிக்காவின் திடீர் தாக்குதலும், இஸ்ரேலின் இந்த ஆக்கிரமிப்பும் மத்திய கிழக்கு நாடுகளில் மீண்டும் போர் பதற்றத்தை உச்சக்கட்டத்திற்குக் கொண்டு சென்றுள்ளது.