உத்தரப்பிரதேச மாநிலம் கான்பூரில், சமூக ஊடகப் பிரபலம் மற்றும் இளம்பெண் ஒருவருக்கு அவரது அண்டை வீட்டைச் சேர்ந்த கோவிந்த் என்ற நபர் தொடர்ந்து பாலியல் ரீதியாகத் தொல்லை கொடுத்து வந்துள்ளார்.
அந்தப் பெண்ணைக் கேலி செய்வது, ஆபாசமான கருத்துகளைக் கூறுவது போன்ற செயல்களில் அவர் ஈடுபட்டுள்ளார். இதனால் ஆத்திரமடைந்த இளம்பெண்ணும் அவரது வயதான தாயாரும் இதற்கு எதிர்ப்பு தெரிவித்துள்ளனர்.
இதனால் கோபமடைந்த அந்த நபர், அவர்களது வீட்டிற்குள் அத்துமீறி நுழைந்து இருவரையும் கடுமையாகத் தாக்கியுள்ளார். இந்தத் தாக்குதலில் அந்தப் பெண்ணின் வயதான தாயாருக்குத் தலையில் பலத்த காயம் ஏற்பட்டு, ரத்தம் சொட்டச் சொட்ட அவரது தலை உடைக்கப்பட்டுள்ளது. தற்போது அவர் மருத்துவமனையில் அனுமதிக்கப்பட்டு சிகிச்சை பெற்று வருகிறார்.
">
இந்தக் கொடூரச் சம்பவத்திற்குப் பிறகு, பாதிக்கப்பட்ட அந்த இளம்பெண் தனது தாயாரின் காயமடைந்த நிலையை ஒரு வீடியோவாகப் பதிவு செய்து சமூக ஊடகங்களில் வெளியிட்டுள்ளார். அந்த வீடியோவில், தங்களுக்கு நடந்த இந்த அநீதிக்கு நியாயம் வழங்க வேண்டும் என்று உத்தரப்பிரதேச முதல்வர் யோகி ஆதித்யநாத்திடம் கண்ணீருடன் கோரிக்கை விடுத்துள்ளார்.
இந்த வீடியோ சமூக வலைத்தளங்களில் வைரலாகி பெரும் அதிர்ச்சியை ஏற்படுத்தியதைத் தொடர்ந்து, கான்பூர் காவல் துறையினர் உடனடியாக வழக்குப் பதிவு செய்து நடவடிக்கை எடுத்துள்ளனர். தலைமறைவாக உள்ள குற்றவாளியைப் பிடிக்கத் தனிப்படைகள் அமைக்கப்பட்டு, தீவிரத் தேடுதல் வேட்டை நடத்தப்பட்டு வருவதாகப் போலீசார் தெரிவித்துள்ளனர்.