தூத்துக்குடி மாவட்டம் ஆறுமுகநேரி அருகே உள்ள பேரன்விளை பகுதியில், தங்கள் மகளின் காதல் திருமணத்திற்கு உதவியதாகக் கூறி பக்கத்து வீட்டுக்காரர்களை ஒரு குடும்பமே சேர்ந்து நாற்காலி மற்றும் கரண்டிகளால் கொடூரமாகத் தாக்கிய பகீர் வீடியோ எக்ஸ் (X) வலைதளத்தில் வெளியாகி பெரும் பரபரப்பை ஏற்படுத்தியுள்ளது.

அந்தப் பகுதியில் நடைபெற்ற புதுமனை புகுவிழா (கிரகப்பிரவேசம்) நிகழ்ச்சி ஒன்றில், அப்பகுதியைச் சேர்ந்தவர்கள் திரண்டிருந்தனர்.

அப்போது அங்கு வந்த பெண் வீட்டார், தங்கள் மகள் காதலித்து திருமணம் செய்து கொண்டதற்கு இந்த பக்கத்து வீட்டுக்காரர்கள்தான் பின்னணியில் இருந்து உதவி செய்ததாகக் கூறி, அங்கிருந்தவர்களுடன் பயங்கர வாக்குவாதத்தில் ஈடுபட்டு திடீரென வன்முறையில் குதித்தனர். ​ஆத்திரத்தின் உச்சத்திற்குச் சென்ற பெண்ணின் குடும்பத்தினர், புதுமனை புகுவிழா பந்தலில் இருந்த நாற்காலிகள் மற்றும் சமையலுக்குப் பயன்படுத்தும் பெரிய கரண்டிகள் போன்ற கையில் கிடைத்த பொருட்களைப் பயன்படுத்தி, பக்கத்து வீட்டினரை மிகக் கொடூரமாகத் தாக்கத் தொடங்கினர்.