வழக்கமாக விவாகரத்து என்பது ஒரு சோகமான நிகழ்வாகப் பார்க்கப்படும் நிலையில், தனது மகள் ஒரு துன்பகரமான மற்றும் சித்திரவதை நிறைந்த திருமண வாழ்க்கையிலிருந்து விடுதலை பெற்றதை அந்தத் தந்தை பெருமையுடன் கொண்டாடினார்.

மேலும் உத்தரப்பிரதேச மாநிலம் மேரட் நீதிமன்ற வளாகத்தில், தனது மகளுக்கு சட்டப்பூர்வமாக விவாகரத்து கிடைத்தவுடன், அங்கேயே மேளம் அடிக்கச் செய்து உற்சாகமாக நடனமாடிய அவர், அங்கிருந்த வழக்கறிஞர்கள் மற்றும் பொதுமக்களுக்கு இனிப்புகளை வழங்கி தனது மகிழ்ச்சியைப் பகிர்ந்து கொண்டார்.

இந்தச் செயல் குறித்து அந்தத் தந்தை கூறுகையில், "பெண்கள் திருமணத்திற்குப் பிறகு சித்திரவதைகளை சகித்துக் கொண்டு வாழ வேண்டிய அவசியம் இல்லை அவர்களுக்கு ஒரு தவறான வாழ்க்கையிலிருந்து வெளியேறும் உரிமை உண்டு" என்பதை சமூகத்திற்கு உணர்த்தவே இவ்வாறு செய்ததாகக் குறிப்பிட்டார். தனது மகள் இனி சுதந்திரமாகவும் நிம்மதியாகவும் வாழப்போவதை எண்ணி தான் பெருமைப்படுவதாகவும் அவர் தெரிவித்தார்.

இந்நிலையில் சமூகத்தின் பழமைவாதக் கருத்துக்களை உடைக்கும் வகையில் அமைந்த இந்தத் தந்தையின் செயல், மகள்களின் மகிழ்ச்சியே ஒரு பெற்றோருக்கு மிக முக்கியம் என்பதை உலகுக்கு பறைசாற்றுவது போல் அமைந்திருந்தது. இது தொடர்பான வீடியோ தற்போது இணையத்தில் பலரது பாராட்டுகளைப் பெற்று வருகிறது.