தனக்கு உடல்நிலை சரியில்லாத காரணத்தால், வேலை நேரத்திற்கு 2 முதல் 3 மணி நேரத்திற்கு முன்னதாகவே எச்ஆர்-க்கு தகவல் தெரிவிக்கப்பட்டது விடுமுறை கோரிய ஊழியருக்கு, "திங்கள் மற்றும் சனிக்கிழமைகளில் விடுமுறை எடுப்பதைத் தவிர்க்க வேண்டும் என்றும், முறையான காரணம் இல்லாமல் விடுமுறையை ஏற்க முடியாது" என்றும் ஹெச்ஆர் பதிலளித்துள்ளார்.

அதுமட்டுமின்றி, நிறுவனத்தின் அனைத்து ஊழியர்களையும் சிசியில் வைத்து அனுப்பப்பட்ட அந்த மெயிலில், திங்கள், சனிக்கிழமை அல்லது பொது விடுமுறை நாட்களுக்கு முன்னும் பின்னும் லீவு எடுத்தால் அது 'சம்பளம் இல்லாத விடுமுறை' கருதப்படும் என்றும், ஜோஹோ தளத்தில் 2 மணி நேரத்திற்கு முன்பே அப்டேட் செய்ய வேண்டும் என்றும் கடுமையான கட்டுப்பாடுகள் விதிக்கப்பட்டுள்ளன.

இந்த விவகாரம் தற்போது சமூக வலைத்தளங்களில் காரசாரமான விவாதங்களை கிளப்பியுள்ள நிலையில், "வாரத்தில் சனிக்கிழமைகளில் வேலை வாங்கும் நிறுவனமே ஒரு பெரிய ஆபத்து என நெட்டிசன்கள் பலரும் தங்களின் கடுமையான கண்டனங்களை அந்த நிறுவனத்திற்கு எதிராக பதிவு செய்து வருகின்றனர்.