பள்ளியில் விளையாடிக்கொண்டிருந்தபோது நாணயத்தை விழுங்கி மூச்சுத்திணறலால் அவதிப்பட்ட 5 வயது சிறுமியை, தலைமை ஆசிரியர் தனது துரித முடிவால் உயிரைக் காப்பாற்றிய நெகிழ்ச்சியான சம்பவம் துருக்கியில் நடந்துள்ளது.

துருக்கியின் சான்லியுர்பா மாகாணத்தில் உள்ள ஒரு தொடக்கப் பள்ளியில், இடைவேளை நேரத்தில் 5 வயது சிறுமி ஒருவர் விளையாடிக்கொண்டிருந்தார். அப்போது எதிர்பாராதவிதமாக அவர் கையில் வைத்திருந்த நாணயத்தை வாயில் போட, அது சிறுமியின் சுவாசக் குழாயில் சிக்கிக் கொண்டது.

இதனால் அந்த சிறுமிக்கு கடுமையான மூச்சுத்திணறல் ஏற்பட்டு, முகம் நீல நிறமாக மாறத் தொடங்கியது. இதைக் கண்டு அதிர்ச்சியடைந்த சக மாணவர்கள் மற்றும் ஆசிரியர்கள் செய்வதறியாது திகைத்தனர். சத்தம் கேட்டு ஓடி வந்த பள்ளியின் தலைமை ஆசிரியர், நிலைமையின் தீவிரத்தை நொடிப்பொழுதில் உணர்ந்தார். உடனடியாகச் செயல்பட்ட அவர், முதலுதவி சிகிச்சையான 'ஹெய்ம்லிக் மேனுவர்' (Heimlich Maneuver) முறையைப் பயன்படுத்தினார்.