வங்கதேசத்தில் அமெரிக்க அதிபர் டொனால்ட் டிரம்ப் போன்று தோற்றமளிக்கும் எருமை மாடு ஒன்று இணையத்தில் பயங்கர வைரலாகி வருகிறது.

பக்ரீத் பண்டிகையை முன்னிட்டு பலியிடுவதற்காக வளர்க்கப்பட்ட இந்த எருமை மாடு சுமார் 700 கிலோ எடை கொண்டது.

இதன் நெற்றியில் வெள்ளை நிறத் திட்டும், தலையின் மேல் பகுதியில் அச்சு அசல் டொனால்ட் டிரம்பின் சிகை அலங்காரத்தை ஒத்த மஞ்சள் கலந்த வெள்ளை நிற முடியும் உள்ளதுதான் அனைவரையும் கவர்ந்துள்ளது.

இதனால் ஈர்க்கப்பட்ட நெட்டிசன்கள் இதற்கு 'டொனால்ட் டிரம்ப் எருமை' என்று பெயரிட்டு, அது தொடர்பான வீடியோக்களையும் புகைப்படங்களையும் சமூக வலைதளங்களில் லட்சக்கணக்கில் பகிர்ந்து வைரலாக்கி வருகின்றனர்.

இந்த எருமை மாட்டிற்குப் பொதுமக்கள் மத்தியில் கிடைத்த பெரும் வரவேற்பைக் கருத்தில் கொண்டு, இதனைப் பலியிடக் கூடாது என்று வங்கதேச அரசு அதிகாரிகள் அதிரடி முடிவு எடுத்துள்ளனர்.

உடனடியாக அதன் உரிமையாளரான ஜியா உத்தீன் மிருதா என்பவரிடமிருந்து அந்த எருமை மாட்டை அரசே விலைக்கு வாங்கி, டாக்காவில் உள்ள வங்காளதேச தேசிய மிருகக்காட்சிசாலைக்கு பாதுகாப்பாகக் கொண்டு சேர்த்துள்ளது.