தாங்கள் பல ஆண்டுகள் கஷ்டப்பட்டுப் படித்து வாங்கிய பட்டங்களையும், பதக்கங்களையும் கையில் ஏந்தும்போது அவர்களின் முகத்தில் இருக்கும் மகிழ்ச்சிக்கு எல்லையே இருக்காது. அந்த வகையில், தற்போது சமூக வலைத்தளங்களில் வைரலாகி வரும் ஒரு பட்டமளிப்பு விழா வீடியோ, ஒட்டுமொத்த நெட்டிசன்களின் நெஞ்சங்களையும் கவர்ந்து வருகிறது.

கல்லூரி பட்டமளிப்பு விழாவில் மேடைக்கு வந்த மாணவர் ஒருவர், தான் பல ஆண்டுகளாகக் கஷ்டப்பட்டுப் படித்துப் பெற்ற அத்தனை பதக்கங்களையும் தனது பாரம்பரிய தோள்கம்பு (காவடி போன்ற தடி) ஒன்றில் இருபுறமும் தொங்கவிட்டு, அதைத் தனது தோள்களில் சுமந்தபடி மாஸாக நடந்து வந்துள்ளார். தனது பல ஆண்டு கால உழைப்பையும், தங்களது பாரம்பரிய அடையாளத்தையும் ஒரே நேரத்தில் உலகிற்குக் காட்ட வேண்டும் என்ற அந்த மாணவனின் இந்த வித்தியாசமான கொண்டாட்டம், அங்கு கூடியிருந்த பேராசிரியர்கள் மற்றும் சக மாணவர்களை வியப்பில் ஆழ்த்தியது.