தமிழகச் சட்டமன்றத் தேர்தல் 2026-ன் முடிவுகளில் 108 இடங்களில் முன்னிலை பெற்று தனிப்பெரும் கட்சியாக உருவெடுத்தாலும், ஆட்சி அமைக்கத் தேவையான 118 இடங்களை எட்ட இன்னும் 10 சட்டமன்ற உறுப்பினர்களின் ஆதரவு தமிழக வெற்றிக் கழகத்திற்குத் தேவைப்படுகிறது.

இந்த இக்கட்டான 'தொங்கு சட்டமன்ற' சூழலில், கோட்டையில் கொடி ஏற்றத் தேவையான பெரும்பான்மையை நிரூபிக்க யாரிடம் ஆதரவு கோரலாம், எந்தக் கட்சிகளைத் தனது ஆட்சி அதிகாரத்தில் பங்குதாரர்களாகச் சேர்த்துக் கொள்ளலாம் என்பது குறித்துத் தவெக தலைவர் விஜய் இன்று தனது உயர்மட்டக் குழுவுடன் அவசர ஆலோசனையில் ஈடுபட உள்ளார்.

"ஆட்சியில் பங்கு" என்ற அதிரடி வாக்குறுதியை முன்வைத்து சிறு கட்சிகள் அல்லது சுயேச்சைகளைத் தன் பக்கம் இழுக்க விஜய் திட்டமிட்டுள்ளதாகத் தகவல்கள் கசிகின்றன. ஒருபுறம் திராவிடக் கட்சிகள் தவெக-வை முந்தத் துடிக்கும் நிலையில், முன்கூட்டியே காய்களை நகர்த்தித் தமிழகத்தின் முதல்வராக அரியணையில் அமர விஜய் மேற்கொள்ளும் இந்த "ஆபரேஷன் மெஜாரிட்டி" ஆலோசனை அரசியல் வட்டாரத்தில் பெரும் பரபரப்பை ஏற்படுத்தியுள்ளது.