அங்குள்ள கல்லறைகளில், இறந்தவர்களின் பெயர்கள் மற்றும் தேதிகளுடன் சேர்த்து, நாம் ஃபேஸ்புக் அல்லது இன்ஸ்டாகிராமில் வைப்பது போன்ற அவர்களின் பெரிய 'புரொபைல் பிக்சர்' புகைப்படங்களும் பதிக்கப்பட்டுள்ளன.

மரணத்திற்குப் பிறகும் தங்களுக்குப் பிரியமானவர்களின் நினைவுகள் என்றும் நிலைத்திருக்க வேண்டும் என்ற எண்ணத்திலும், மயானத்திற்கு வரும் உறவினர்கள் தங்களது குடும்பத்தினரின் கல்லறையை எளிதாக அடையாளம் காண வேண்டும் என்பதற்காகவும் இந்த விசித்திரமான வழக்கம் அங்குப் பின்பற்றப்பட்டு வருகிறது.

இணையத்தில் வைரலாகி வரும் இந்த புகைப்படங்களைப் பார்த்த நெட்டிசன்கள், "இது டிஜிட்டல் காலத்துக் கல்லறை", "வாழும்போதும் புரொபைல் பிக்சர், இறந்த பிறகும் புரொபைல் பிக்சரா!" என்றெல்லாம் விதவிதமாகக் கமெண்ட் செய்து வருகின்றனர்.

தஜிகிஸ்தானில் இத்தகைய கல்லறைகளை உருவாக்குவதற்குப் பெரும் செலவு செய்யப்படுகிறது; சில பணக்கார குடும்பங்கள் இரவு நேரத்திலும் முகம் தெளிவாகத் தெரிய வேண்டும் என்பதற்காகக் கல்லறையைச் சுற்றி எல்இடி விளக்குகளையும், 3D படங்களையும் கூடப் பயன்படுத்துகின்றனர்.