நேற்று தங்கம் விலையில் அதிரடியாகச் சவரனுக்கு ரூ. 1,600 சரிவடைந்திருந்த நிலையில், இன்று (வியாழக்கிழமை) ஆபரணத் தங்கத்தின் விலை மேலும் சவரனுக்கு ரூ. 240 குறைந்து, ஒரு சவரன் ரூ. 1,05,760-க்கு விற்கப்படுகிறது.

சென்னையில் இன்று ஆபரணத் தங்கம் ஒரு கிராம் ரூ. 30 குறைந்து ரூ. 13,220-க்கு விற்பனையாகும் வேளையில், வெள்ளி விலையில் எவ்வித மாற்றமுமின்றி ஒரு கிராம் ரூ. 245-க்கும், ஒரு கிலோ பார் வெள்ளி ரூ. 2,45,000-க்கும் வர்த்தகம் செய்யப்பட்டு வருகிறது.

கடந்த சில வாரங்களாக முந்தைய வரலாற்று உச்சங்களைத் தொட்டு சாமானியர்களை அதிர வைத்த தங்கம் விலை, தற்போது இரண்டு நாட்களில் மட்டும் மொத்தமாகச் சவரனுக்கு ரூ. 1,840 வரை சரிந்துள்ளதால் நகைப்பிரியர்கள் மகிழ்ச்சியடைந்துள்ளனர்.