தமிழக அரசியலில் பெரும் மாற்றத்தை ஏற்படுத்தியுள்ள தமிழக வெற்றிக் கழகத்தின் தலைவராக நடிகர் விஜய் முதலமைச்சராகப் பொறுப்பேற்றுள்ள நிலையில், அவரது அமைச்சரவையில் இடம்பெற்றுள்ள இளம் வயது அமைச்சரான எஸ்.

கீர்த்தனா அனைவரின் கவனத்தையும் ஈர்த்துள்ளார். 29 வயதேயான இவர், பட்டாசு நகரமான சிவகாசி தொகுதியில் வெற்றி பெற்று, கடந்த 70 ஆண்டுகளாக அங்கு நிலவி வந்த ஆண்களின் ஆதிக்கத்தை உடைத்து, அத்தொகுதியின் முதல் பெண் சட்டமன்ற உறுப்பினர் என்ற வரலாற்றுச் சாதனையையும் படைத்துள்ளார்.

மேலும் ஒரு காலத்தில் முன்னாள் முதலமைச்சர் மு.க. ஸ்டாலின் போன்ற முன்னணித் தலைவர்களிடம் அரசியல் ஆலோசகராகவும், டிஜிட்டல் பிரச்சார வியூக வகுப்பாளராகவும் பணியாற்றிய கீர்த்தனா, தற்போது மக்கள் பிரதிநிதியாக உயர்ந்துள்ளது குறிப்பிடத்தக்கது. பல்வேறு மொழிகளில் புலமை பெற்றவரான கீர்த்தனா, குறிப்பாக இந்தியில் சரளமாகப் பேசி வட இந்திய ஊடகங்களின் கவனத்தையும் ஈர்த்துள்ளார்.

இதனால் தனது தலைவரின் கொள்கைகள் மற்றும் கட்சியின் நோக்கங்கள் அண்டை மாநில மக்களுக்கும் சென்றடைய வேண்டும் என்பதற்காகவே தான் இந்தியில் உரையாடுவதாக அவர் தெளிவுபடுத்தியுள்ளார். சிவகாசி மக்களின் அடிப்படைத் தேவைகளான மேம்பட்ட மருத்துவ வசதிகள் மற்றும் பட்டாசுத் தொழிலாளர்களின் பாதுகாப்பு நலன் ஆகியவற்றை முன்னிறுத்தித் தனது பணிகளைத் தொடங்கியுள்ள அவர், ஒரு இளம் அமைச்சராகத் தமிழக அரசியலில் ஒரு புதிய நம்பிக்கையை விதைத்துள்ளார்.