அந்த வீடியோவில், கேட்கும் திறனற்ற தனது காதலியுடன் தியேட்டருக்கு படம் பார்க்கச் சென்ற காதலன் ஒருவன், திரையில் ஓடிக்கொண்டிருக்கும் 'பேபி டோ டை டோ' (Baby Do Die Do) பாடலின் வரிகளையும், படத்தின் முக்கிய டயலாக்குகளையும் சைகை மொழி (Sign Language) மூலமாகத் தனது காதலிக்குத் தத்ரூபமாக விளக்குகிறார்.

தியேட்டரில் இருக்கும் மற்றவர்களைப் போலத் தனது காதலியும் அந்த சினிமா அனுபவத்தைக் கொஞ்சமும் மிஸ் செய்யாமல் ரசிக்க வேண்டும் என்பதற்காக, அவர் செய்த இந்த அன்பான காரியம் அங்கிருந்த ஒருவர் காணொளியாக பதிவு செய்ய அது தற்போது இணையதளத்தில் வைரல் ஆகி வருகிறது. ​இந்த நெகிழ்ச்சியான வீடியோவை இன்ஸ்டா மற்றும் எக்ஸ் தளங்களில் பார்த்த நெட்டிசன்கள், இதுதான் "உண்மையான காதலுக்கும், அனைவரையும் உள்ளடக்கிய அன்பிற்கும் மிகச்சிறந்த உதாரணம்" என உருகிப் போய் கமெண்ட் செய்து வருகின்றனர்.