சமூக வலைதளங்களில் தினமும் ஆயிரக்கணக்கான வீடியோக்கள் வந்தாலும், சில வீடியோக்கள் நம்மை ஆச்சரியப்படுத்துவதோடு வயிறு குலுங்கச் சிரிக்கவும் வைத்துவிடும்.

அந்த வகையில், தற்போது வைரலாகி வரும் ஒரு காரிகரின் (Tiles Worker) 'அதிபுத்திசாலித் தனமான' வேலை, இணையவாசிகளிடையே பலத்த சிரிப்பொலியை ஏற்படுத்தியுள்ளது.

அந்த வீடியோவில், ஒரு புதிய வீட்டின் தரையில் டைல்ஸ் ஒட்டும் பணி மும்முரமாக நடந்து கொண்டிருக்கிறது. இரண்டு தொழிலாளர்கள் சேர்ந்து அந்த வேலையைச் செய்கின்றனர்.

ஒருவர் சிமெண்ட் கலவையைத் தரையில் பூச, மற்றொருவர் தூணுக்கு அருகே (Pillar) இருக்கும் சிறிய இடைவெளிக்கு ஏற்ப ஒரு டைல்ஸ் துண்டை வெட்டி எடுத்து வருகிறார். அந்த இடத்தை கச்சிதமாக நிரப்புவதற்காக மிகவும் கஷ்டப்பட்டு அந்த டைல்ஸைச் செதுக்கியிருக்கிறார்.

கொண்டு வந்த டைல்ஸை அந்த இடத்தில் பொருத்த முயலும்போதுதான் அந்த 'சம்பவம்' நடக்கிறது. அவர் எவ்வளவு முயன்றும் அந்த டைல்ஸ் அந்த இடத்தில் உட்காரவே இல்லை. திருப்பித் திருப்பிப் போட்டுப் பார்க்கிறார், அழுத்திப் பார்க்கிறார்.. ஆனால் பலன் இல்லை. இதைப் பார்த்த மற்றொரு தொழிலாளி, "என்னப்பா ஆச்சு?" என வந்து அந்த டைல்ஸை வாங்கிப் பார்க்கிறார்.