மும்பையில் உள்ள லோக்மான்ய திலக் நகராட்சி பொது மருத்துவமனையில் தலையில் அரிவாள் பாய்ந்த நிலையில் ஒருவர் நடந்து வந்த காட்சி பரபரப்பை ஏற்படுத்தியுள்ளது.

சமூக வலைதளங்களில் இந்த வீடியோ வேகமாகப் பரவி வருகிறது. கடுமையான காயத்திலும் அவர் அமைதியாக இருந்தது அனைவரையும் அதிர்ச்சியில் ஆழ்த்தியுள்ளது.

தலையில் அரிவாளுடன் நடந்து வந்த நபர்

மும்பை சீயோன் மருத்துவமனையில் அந்த நபர் சுயமாக நடந்து வந்து சிகிச்சை கேட்டதாக தகவலின்படி கூறப்படுகிறது. மண்டை ஓட்டில் அரிவாள் ஆழமாக பதிந்திருந்தாலும், எந்த பதற்றமும் இன்றி நடந்துகொண்டது அங்கிருந்தவர்களை பதற வைத்தது. மருத்துவர்களும் முதலில் நிலைமையை பார்த்து அதிர்ச்சியடைந்ததாக கூறப்படுகிறது.

என்ன கொடுமை இது.... விபத்தில் தலையில் அடிபட்ட காயத்திற்கு ஸ்டேப்ளர் அடித்த போலி மருத்துவர்! அதிர்ச்சி சம்பவம்!!!

தாக்குதலின் பின்னணி என்ன?

முதற்கட்ட விசாரணையில், குடும்பத் தகராறு அல்லது தனிப்பட்ட முன்விரோதம் காரணமாக அரிவாள் தாக்குதல் நடந்திருக்கலாம் என போலீசார் சந்தேகிக்கின்றனர். காயமடைந்த அவரை அருகிலிருந்தவர்கள் உடனடியாக மருத்துவமனைக்கு கொண்டு வந்துள்ளனர். அந்த நிலையிலும் அவர் சுயநினைவுடன் இருந்தது மருத்துவ ரீதியாக அபூர்வமாக பார்க்கப்படுகிறது.