தமிழக அரசியலில் எதிர்பாராத திருப்பமாக, திமுக கூட்டணியில் நீண்டகாலமாக இருந்த காங்கிரஸ் கட்சி தற்போது அதிலிருந்து விலகி தவெகவுக்கு ஆதரவு தெரிவித்துள்ளது.

தேர்தல் தோல்விக்குப் பிறகு கூட்டணி நிலைப்பாடுகள் குறித்து பல்வேறு யூகங்கள் நிலவி வந்த நிலையில், காங்கிரஸின் இந்த முடிவு அரசியல் வட்டாரங்களில் பெரும் பேசுபொருளாகியுள்ளது.

ஸ்டாலின் அறிக்கைக்கு பிறகு அரசியல் பரபரப்பு

அண்மையில் நடந்த தேர்தல் முடிவுகளுக்குப் பிறகு, திமுக கூட்டணியில் உள்ள எந்தக் கட்சியும் தவெகவுக்கு ஆதரவு அளிக்கக் கூடாது என்று முதலமைச்சர் ஸ்டாலின் நேற்று அறிக்கை வெளியிட்டிருந்தார். அதற்குள் காங்கிரஸ் தனது நிலைப்பாட்டை மாற்றியிருப்பது திமுக தலைமையை அதிர்ச்சிக்குள்ளாக்கியுள்ளதாக கூறப்படுகிறது.

அடுத்தடுத்த அதிர்ச்சியில் விஜய்! தவெகவில் இருந்து விலகிய கையோடு திமுகவுடன் கூட்டணி இணைவு..... தமிழக அரசியல் சூழலில் புதிய விவாதம்!!!

தகவலின்படி, கடந்த 10 ஆண்டுகளாக திமுக கூட்டணியில் இணைந்து செயல்பட்ட காங்கிரஸ், தற்போதைய அரசியல் சூழலை கருத்தில் கொண்டு புதிய முடிவை எடுத்துள்ளதாக கட்சி வட்டாரங்கள் தெரிவித்துள்ளன. இதனால் அடுத்தடுத்த அரசியல் நகர்வுகள் மீது கவனம் திரும்பியுள்ளது.

IUML மட்டும் தனி நிலைப்பாடு

இதற்கிடையில், கூட்டணியில் இருந்த மற்றொரு கட்சியான IUML, காங்கிரஸ் எடுத்த முடிவிலிருந்து விலகி தனது ஆதரவு தவெகவுக்கு இல்லை என்று தெளிவாக அறிவித்துள்ளது. இதையடுத்து, திமுக கூட்டணியில் மேலும் மாற்றங்கள் ஏற்படுமா என்ற கேள்வி அரசியல் களத்தில் எழுந்துள்ளது.