ஆஸ்திரியாவில் தனது மகளை 24 ஆண்டுகள் அடித்தள அறையில் சிறை வைத்து பாலியல் வன்கொடுமை செய்த வழக்கால் உலகையே அதிரவைத்த ஜோசப் ஃபிரிட்ஸல் மீது மீண்டும் புதிய குற்றச்சாட்டுகள் எழுந்துள்ளன.
தற்போது பிரான்சின் பிரெஸ்ட் நகரில் வசித்து வரும் 58 வயது நபர் மீது, குடும்பத்தினரையே சீரழித்ததாக கடுமையான புகார்கள் பதிவு செய்யப்பட்டுள்ளன.
பிரெஞ்சு அதிகாரிகள் அளித்த தகவலின்படி, அவர் தனது 11 வயது மகனை தாயுடன் பாலியல் செயல்களில் ஈடுபட வற்புறுத்தியதுடன், ஆபாசக் காணொளிகளையும் பார்க்க கட்டாயப்படுத்தியதாக கூறப்படுகிறது. மேலும், தனது 33 வயது மகளுக்கு மனநோய் எதிர்ப்பு மருந்துகள் கொடுத்து மயக்க நிலையில் பாலியல் வன்கொடுமை செய்ததாகவும் விசாரணையில் தெரிவிக்கப்பட்டுள்ளது.
11 வயது சிறுவன் கூறிய தகவலால் வெளிச்சம்
குடும்பத்தில் நீண்ட காலமாக நடந்துவந்த வன்முறை மற்றும் முறைகேடுகள் குறித்து 11 வயது சிறுவன் அதிகாரிகளிடம் தெரிவித்ததைத் தொடர்ந்து இந்த விவகாரம் வெளிச்சத்துக்கு வந்துள்ளது.
இதையடுத்து, அந்த நபர் மீது சிறாரை பாலியல் ரீதியாக துஷ்பிரயோகம் செய்தல், போதைப்பொருள் கொடுத்து வன்கொடுமை செய்தல், சிறாரைச் சீரழித்தல் மற்றும் தொடர் வன்முறை உள்ளிட்ட பல்வேறு பிரிவுகளின் கீழ் வழக்குகள் பதிவு செய்யப்பட்டுள்ளன.
மூன்று குழந்தைகள் மீட்பு
விசாரணை தொடங்கியதையடுத்து, 11 வயது சிறுவன் மற்றும் அவனது 8 வயது இரட்டைச் சகோதரிகள் என மூன்று குழந்தைகளும் வீட்டிலிருந்து மீட்கப்பட்டுள்ளனர். தற்போது அவர்கள் குழந்தைகள் பாதுகாப்பு சேவையின் கண்காணிப்பில் வைக்கப்பட்டுள்ளனர்.
தற்போது காவலில் வைக்கப்பட்டுள்ள இந்த நபர், 2008-ஆம் ஆண்டு வெளிச்சத்துக்கு வந்த எலிசபெத் வழக்கின் முக்கிய குற்றவாளி என்பதும் குறிப்பிடத்தக்கது. அப்போது தனது மகளை பல ஆண்டுகள் பாதாள அறையில் அடைத்து வைத்து, அவர்மூலம் ஏழு குழந்தைகளுக்கு தந்தையாக இருந்தது உலகளவில் பெரும் அதிர்ச்சியை ஏற்படுத்தியது.
மீண்டும் அதிரவைக்கும் குற்றச்சாட்டுகள்
அந்த பழைய வழக்கில் கொலை, சட்டவிரோத சிறைவைப்பு, அடிமைப்படுத்துதல் உள்ளிட்ட குற்றங்களுக்காக ஆயுள் தண்டனை விதிக்கப்பட்டிருந்தது. தற்போது குடும்ப உறுப்பினர்களையே மீண்டும் பாலியல் மற்றும் மனரீதியாக துஷ்பிரயோகம் செய்ததாக புதிய குற்றச்சாட்டுகள் எழுந்துள்ளதால், இந்த வழக்கு மீண்டும் சர்வதேச கவனத்தை ஈர்த்துள்ளது.
பிரான்ஸ் நீதித்துறை அதிகாரிகள், ஜோசப் ஃபிரிட்ஸல் மீது சுமத்தப்பட்டுள்ள குற்றச்சாட்டுகள் தொடர்பாக விரிவான விசாரணை நடத்தி வருகின்றனர்.